រឿង"មន្តស្នេហ៍លេខា"ធ្វើឲ្យ ម៉ៅ គីមធីតា ញញឹមបិទមាត់មិនជិត

2017-06-21 07:51:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីរឿង "មន្តស្នេហ៍លេខា" ដាក់បញ្ចាំងនៅទូរទស្សន៍PNN បានចំនួន១០ភាគរួចមកបានធ្វើឲ្យកេរ្តិ៍ឈ្មោះ ម៉ៅ គីមធីតា កាន់តែលេចធ្លោជាងមុន ព្រមទាំងទទួលបានការគាំទ្រទាំងក្នុង និងក្រៅសិល្បៈថា ខ្សែភាពយន្តភាគមួយនេះសម្ដែងបានល្អ រហូតធ្វើឲ្យនាងញញឹមបិទមាត់មិនជិត។

តួអង្គស្រីឈ្មោះ កេន្នី ក្នុងរឿង "មន្តស្នេហ៍លេខា" បានថ្លែងមកកាន់ Sabay ថា ឥឡូវនេះទីផ្សារសម្ដែងភាពយន្តរបស់នាងលេចធ្លោជាងមុនបើប្រៀបធៀបកាលពីពេលមុន។ ព្រោះក្រោយពីរឿង "មន្តស្នេហ៍លេខា" ដាក់បញ្ចាំងនៅទូរទស្សន៍ PNN បានតែប៉ុន្មានភាគប៉ុណ្ណោះធ្វើឲ្យផលិតករមួយបានធ្វើការទំនាក់ទំនងមកនាងជាបន្តបន្ទាប់ ឲ្យថតខ្សែភាពយន្តភាគ និងខ្នាតធំ។

“ សប្បាយចិត្តណាស់បង ពេលខ្ញុំជួបមិត្តភ័ក្ដិសិល្បៈមួយចំនួន គាត់បាននិយាយ សរសើរថា ធីតាលេងរឿងហ្នឹង (មន្តស្នេហ៍លេខា)សម ទាំងការប្រើប្រាស់ទឹកមុខ និង ការស្លៀកពាក់បែបសិចស៊ី មើលទៅគួរឲ្យក្នាញ់ ខ្លាំងណាស់" ។ ម៉ៅ គីមធីតា រៀបរាប់។

នាងបន្ថែមថា ពេលដើរផ្សារឬទៅណាមកណាមានពុកម៉ែបងប្អូនមួយចំនួនបានហៅឈ្មោះខ្លួនថា កេន្នី មិនបានហៅឈ្មោះពិតឡើយ ព្រមទាំងសរសើរថានាងមានរូបរាងស្អាតអញ្ចឹង ទើបសម្ដែងក្នុងរឿង "មន្តស្នេហ៍លេខា" សមហើយល្អមើល។

បើចង់ជ្រាបច្បាស់រឿង "មន្តស្នេហ៍លេខា" ដែលមាន ម៉ៅ គីមធីតា ជាតួអង្គឈ្មោះនាង កេន្នី សម្ដែងបានល្អ ប៉ុណ្ណោះនោះ កុំភ្លេចតាមដានទាំងអស់គ្នា មានផ្សាយជូនទស្សនារៀងរាល់ថ្ងៃច័ន្ទ អង្គា និង ពុធ វេលាម៉ោង ៨ ដល់ម៉ោង ៩ យប់នៅទូរទស្សន៍ PNN ៕

ចុចអាន៖រឿងពាក់ព័ន្ធ "មន្តស្នេហ៍លេខា"

ចុចអាន៖រឿងពាក់ព័ន្ធ ម៉ៅ គីមធីតា