ធានារ៉ាប់រងនេះ ថៃ ភូមា វៀតណាម មានយូរហើយ ខ្មែរទើបមាន ហើយអាចជួយប្រជាជនច្រើន

2017-06-29 07:18:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាប្រទេសផ្សេងៗជិតខាងកម្ពុជា ដូចជា ថៃ ភូមា វៀតណាម មានប្រភេទធានារ៉ាប់រងគ្រោះថ្នាក់ចរាចរណ៍ គ្របដណ្ដប់ជនរងគ្រោះ ឬ Road Accident Victim Coverage Insurance (RVI) យូរមកហើយ ខណៈកម្ពុជាយើង ទើបតែមានកាលពីខែឧសភា មុនប៉ុណ្ណោះ។ ក្រៅពីនេះ ប្រទេសធំៗ អាមេរិក អូស្ត្រាលី អីជាដើម ក៏មានដែរ។

RVI ជាប្រភេទធានារ៉ាប់រងគ្រោះថ្នាក់ចរាចរណ៍គ្របដណ្ដប់លើជនរងគ្រោះនៅទូទាំងប្រទេស។ អ្នកបើកបរយានយន្តគ្រប់ប្រភេទ និងអ្នកដំណើរពាក់ព័ន្ធទាំងអស់ នឹងទទួលបានការព្យាបាលភ្លាមៗ និងសេវាហិរញ្ញវត្ថុ ក្នុងករណីមានគ្រោះថ្នាក់ចរាចរណ៍។

ការសម្រេចបង្កើត RVI គឺដោយសារអត្រាគ្រោះថ្នាក់ចរាចរណ៍នៅកម្ពុជា នៅមានកម្រិតខ្ពស់ ដែលជាមូលហេតុសំខាន់ធ្វើឲ្យមានអត្រាមនុស្សស្លាប់ និងពិការភាពច្រើន ព្រមទាំងក្លាយជាបន្ទុកផ្នែកហិរញ្ញវត្ថុដល់ក្រុមគ្រួសារ។ នេះបើយោងតាមលោក សារិន រ៉ាត់ណាត់ដាណៃ នាយកក្រុមហ៊ុន អេច.អាយ ម៉ាយក្រូ អិនសួរេន។

លោក សារិន រ៉ាត់ណាត់ដាណៃ នាយកក្រុមហ៊ុន អេច.អាយ ម៉ាយក្រូ អិនសួរេន

លោកថា ប្រទេសជិតខាងកម្ពុជា មានរួចអស់ហើយ ក្នុងនោះមាន ថៃ ភូមា វៀតណាម ជាដើម ហើយតម្លៃធូរទៀតផង។ អ៊ីចឹង ពេលប្រជាជនគេជួបគ្រោះថ្នាក់ចរាចរណ៍ គេមិនបាច់ឈឺក្បាលរឿងដោះស្រាយជម្លោះ និងថ្លៃព្យាបាល។ អាទិភាព គឺការព្យាបាល។

តាមរយៈធានារ៉ាប់រងដែលមានតម្លៃដ៏ធូរសមរម្យមួយនេះ ប្រជាជនកម្ពុជានឹងលែងសូវមានបញ្ហាលំបាកដូចមុនៗ ក្នុងករណីគ្រោះថ្នាក់ចរាចរណ៍ ដូចជា ឈ្លោះប្រកែករកខុសត្រូវដើម្បីរកអ្នកសង បញ្ហាគ្មានលុយព្យាបាលរបួសស្នាម ជាដើម។

ធានារ៉ាប់រងនេះ ធានាលើតែមនុស្ស (ជនរងគ្រោះ) ប៉ុណ្ណោះ មិនមែនវត្ថុ (ម៉ូតូ រថយន្ត យានយន្តផ្សេងៗ) ឡើយ។ ជនរងគ្រោះនឹងទទួលបានសំណងលើ៖

ការព្យាបាលរបួស
ពិការភាព និង
បាត់បង់ជីវិត។

តារាងតម្លៃ RVI តាមប្រភេទយានយន្ត៖

១៧ ដុល្លារអាមេរិក/ឆ្នាំ សម្រាប់ម៉ូតូ
២០ ដុល្លារអាមេរិក/ឆ្នាំ សម្រាប់រ៉ឺម៉កកង់បី ឬម៉ូតូ + ផ្នែកបន្ថែម (បន្ថែមកង់)
៧០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរមិនលើស ៥ នាក់)
៨០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរលើស ៥ នាក់)
៩០ ដុល្លារអាមេរិក/ឆ្នាំ សម្រាប់យានយន្តផ្សេងៗដែលមានកង់ច្រើនជាង ៤។

អ្នករកទិញធានារ៉ាប់រងគ្រោះថ្នាក់ចរាចរណ៍ គ្របដណ្ដប់ជនរងគ្រោះ (RVI) នៅទីស្នាក់កណ្ដាលក្រុមហ៊ុន អេច.អាយ ម៉ាយក្រូ អិនសួរេន នៅរាជធានីភ្នំពេញ ឬនៅតាមបណ្ដាភ្នាក់ងារទ្រូម៉ាន់នី ទូទាំងកម្ពុជា។

សម្រាប់ព័ត៌មានបន្ថែម សូមទាក់ទង៖