បណ្ឌិតច្នៃម៉ូដ ដាក់ការសង្ឃឹម១០០% ពីការតាំងពិព័រណ៍នៅថៃ

2017-07-11 11:34:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់តែមួយថ្ងៃនេះទៀតទេពិធីតាំងពិព័រណ៍នៅក្នុងប្រទេសថៃនឹងចាប់ផ្ដើមហើយ ពោលគឺនៅថ្ងៃទី ១២ ស្អែកនេះ។ អ្នកច្នៃម៉ូដ ព្រមទាំងជាវិចិត្រករដ៏ចំណាន បណ្ឌិត ឯម រាម ដែលនឹងតំណាងប្រទេសកម្ពុជា បានបង្ហាញជំនឿចិត្តសម្រាប់ការប្រកួតប្រជែងស្នាដៃនេះ។

ដើមទុនដែលនាំឱ្យ តារាបង្ហាញម៉ូដរូបនេះមានទំនុកចិត្តដល់ថ្នាក់នេះ គឺដោយសារតែលោកធ្លាប់មានបទពិសោធន៍ច្រើនកន្លងមកហើយ ដោយលោកធ្លាប់បានចូលរួមពិធីតាំងពិព័រណ៍ធំៗខ្នាតអន្តរជាតិជាច្រើនរួចមកហើយ។

“ធម្មតាយើងហ៊ានឱ្យតម្លៃអ្វីដែលយើងធ្វើ អីចឹងយើងរំពឹងថានឹងបាន ១០០% យើងបានទៅចូលរួមការតាំងពិព័រណ៍ជាច្រើន។ ម្យ៉ាងវិញទៀតដោយបងធ្លាប់យកស្នាដៃទាំងនោះទៅតាំងពិព័រណ៍នៅក្នុងសារមន្ទីរឈ្មោះថា(សារមន្ទីរធម្មជាតិ)ប្រទេសបារាំង និងប្រទេសអ៊ីតាលី ក្នុងការតាំងពិព័រណ៍ពិភពលោក ឆ្នាំ២០១៥ ហើយមានការចាប់អារម្មណ៍ច្រើនរួចហើយ"៕