ធ្លាប់ចាំដល់យូរខែមែនទេ ធានារ៉ាប់រងនេះទូទាត់សំណងមិនឲ្យលើសពី ៤៨ម៉ោង(វីដេអូ)

2017-07-20 04:41:02
ចំនួនមតិ 0 | ចំនួនចែករំលែក 0

ចន្លោះមិនឃើញ

វេជ្ជបណ្ឌិត ក្រុមគ្រូពេទ្យមកពីបណ្ដាស្ថាប័នរដ្ឋនិងឯកជនប្រមាណជាង ២០០នាក់ បានចូលរួមដោយស្ម័គ្រចិត្ត ក្នុងឱកាសសិក្ខាសាលាស្តីអំពីសេវាកម្មធានារ៉ាប់រងគ្រោះថ្នាក់ចរាចរណ៍របស់ក្រុមហ៊ុនធានារ៉ាប់រង អេច.អាយ ម៉ាយក្រូ អិនសួរេន (H.I Micro Insurance PLC) ដែលជាការវិនិយោគរួមគ្នារវាងកម្ពុជា ថៃ និងអូស្ត្រាលី នៅភោជនីយដ្ឋានទន្លេបាសាក់កាលពីម្សិលមិញ។

នេះជាសិក្ខាសាលាលើកដំបូងដែលបានធ្វើឡើងដើម្បីបានជួបជុំជាមួយបណ្តាគ្រូពេទ្យ ក្នុងការពង្រឹងបន្ថែមពីការប្រើប្រាស់សេវាកម្មធានារ៉ាប់រងថ្មី RVI របស់ក្រុមហ៊ុន ធានារ៉ាប់រង អេច.អាយ ម៉ាយក្រូ អិនសួរេន (H.I Micro Insurance PLC) ក្នុងនោះលោក សារិន រ៉ាត់ណាត់ដាណៃ បានឲ្យដឹងថានឹងមានការផ្សព្វផ្សាយទៅកាន់គ្រូពេទ្យនៅតាមបណ្ដាខេត្តផ្សេងទៀតនៅពេលក្រោយ។

ជាមួយគ្នានេះផងដែរលោក សារិន រ៉ាត់ណាត់ដាណៃ នាយកក្រុមហ៊ុន អេច.អាយ ម៉ាយក្រូ អិនសួរេន មានប្រសាសន៍ថា រាល់ការទូទាត់សំណងចំពោះជនរងគ្រោះដែលបានប្រើប្រាស់សេវាកម្មរបស់លោក មិនឲ្យធ្វើការចាំយូរឡើយ យ៉ាងយូរមិនលើសពី ២ថ្ងៃ។

ការអះអាងបែបនេះ ដោយសារកន្លងមកលោកធ្លាប់បានឃើញអ្នកប្រើប្រាស់មួយចំនួនតែងរអ៊ូពីបញ្ហានៃការយឺតយ៉ាវលើសំណងរបស់ក្រុមហ៊ុនមួយចំនួន ដូច្នេះអ្នកប្រើប្រាស់គួរតែឈប់បារម្ភលើបញ្ហានេះ ដោយសារ RVI បានព្យាយាមធ្វើយ៉ាងណាឲ្យអ្នកប្រើប្រាស់ ឬជនរងគ្រោះកាន់តែមានភាពងាយស្រួល និងទំនុកចិត្តលើការធ្វើដំណើរតាមដងផ្លូវ។

ជុំវិញសិក្ខាសាលាកាលពីព្រឹកម្សិលមិញលោកគ្រូពេទ្យមកពីមណ្ឌលសុខភាពតាខ្មៅ រ៉ឹង ប៊ុនថន បានឲ្យដឹងថាលោកមានការពេញចិត្តចំពោះសេវាកម្មនេះ ក្រោយពីបានស្ដាប់ការផ្សព្វផ្សាយពីការប្រើប្រាស់ ក៏ដូចជាអត្ថប្រយោជន៍ជាច្រើនរបស់ RVI។ លោកបន្តទៀតថា សព្វថ្ងៃខាងមន្ទីរពេទ្យកំពុងតែព្យាយាមឲ្យអស់ពីសមត្ថភាពដើម្បីជួយប្រជាពលរដ្ឋក្នុងករណីគ្រោះថ្នាក់ដែលបានកើតឡើងផ្សេងៗ។ វានឹងកាន់តែប្រសើរបើ RVI បានសហការជាមួយខាងមន្ទីរពេទ្យទៀតនោះ។

យ៉ាងណាមិញជួបជាមួយលោក ហុង សារឿន មកពីខាងមជ្ឈមណ្ឌលសុខភាពព្រែកហូរវិញ លោកក៏អះអាងស្រដៀងនឹងលោក រ៉ឹង ប៊ុនថន ដែរ អ្វីទាំងអស់ដែលតំណាងខាងក្រុមហ៊ុនបានលើកឡើងក្នុងកម្មវិធីសិក្ខាសិលានេះសុទ្ធតែបានចូលរួមចំណែកសំខាន់ ក្នុងការជួយដល់ប្រជាពលរដ្ឋទាំងមូល ហើយលោកនឹងពិចារណាលើសេវាកម្មធានារ៉ាប់រងថ្មីនេះ៕

អត្ថបទ៖ ថា ម៉ាលីដា