មកមើលសម្រស់ភ្នំត្បែងខេត្តព្រះវិហារ ទេសភាពមិនធម្មតា
- 2017-08-02 04:10:09
- ចំនួនមតិ 0 | ចំនួនចែករំលែក 0
មកមើលសម្រស់ភ្នំត្បែងខេត្តព្រះវិហារ ទេសភាពមិនធម្មតា
ចន្លោះមិនឃើញ
តំបន់បេតិកភណ្ឌធម្មជាតិភ្នំត្បែងអាចជាកន្លែងទេសចរណ៍ថ្មីសម្រាប់ភ្ញៀវជាតិ និងអន្តជាតិ ដោយនៅទីនោះមានទឹកធ្លាក់ រូងប្រជៀវ និងជាកន្លែងសក្ការ។ ភ្នំត្បែង ជាតំបន់បេតិកភណ្ឌធម្មជាតិដែលមានសម្រស់ស្រស់ស្អាត ដោយមានទាំងព្រៃធម្មជាតិ សត្វព្រៃ ទឹកធ្លាក់ និងតំបន់បុរាណឋានសម្រាប់ពិធីផ្សេងៗផងដែរ។
ជាមួយនឹងទេសភាពធម្មជាតិដ៏ស្រស់ស្អាត តំបន់នេះត្រូវបានរដ្ឋាភិបាលដាក់ជាតំបន់បេតិកភណ្ឌធម្មជាតិកាលពីខែកញ្ញា ឆ្នាំ២០១៦កន្លងមក។ នេះបើតាមព័ត៌មានរបស់ក្រសួងបរិស្ថានចេញផ្សាយកាលពីសប្ដាហ៍មុន។
តំបន់បេតិកភណ្ឌភ្នំត្បែងនេះមានទីតាំងក្នុងខេត្តព្រះវិហារ និងគ្របដណ្ដប់លើស្រុកចំនួនប្រាំគឺ ស្រុងសង្គមថ្មី ស្រុកគូលែន ស្រុកត្បែងមានជ័យ ស្រុករវៀង និងក្រុងព្រះវិហារ ដែលមានផ្ទៃដីសរុបចំនួន២៥០០០ហិចតា។
ដើម្បីឡើងដល់ទីតាំងទឹកធ្លាក់ និងទីសក្ការទាំងនេះ អ្នកធ្វើដំណើរត្រូវធ្វើដំណើរឆ្លងកាត់ជ្រលងភ្នំដែលមានចម្ការចេកធំល្វឹងល្វើយ និងត្រូវឡើងតាមជណ្ដើរកម្ពស់៤០០ម៉ែត្រ និងមានកាំជណ្ដើរចំនួន១៨០០កាំ៕
ទស្សនារូបភាពស្អាតទាំងអស់គ្នា៖