ក្រុម​ខ្លាំង​ល្បី​ឈ្មោះ​ពីរ​ក្នុង​ពិភព​បាល់ទាត់​ក្នុង​សាល​គឺ​ Anachak Baitong និង​ Ov Mal FC ​ត្រូវ​ជួប​គ្នា​ក្នុង​សាល​ស្តង់ដារ​​​​នា​ថ្ងៃ​អាទិត្យ​ស្អែក​នេះ​ដើម្បី​​ប្រជែង​រក​៣​ពិន្ទុ​ក្នុង​ព្រឹត្តិការណ៍​ពាន​រង្វាន់​ជាតិ​បាល់ទាត់​ក្នុង​សាល​ក្លៀ ឆ្នាំ​២០១៧ (CLEAR NATIONAL FUTSAL CUP 2017)​សប្តាហ៍​ទី​៣។

តាម​កាល​វិភាគ​នៃ​ការ​ប្រកួត​ជើង​ខ្លាំង​ Anachak Baitong ​ដែល​ជោគ​ជាំ​ខ្លាំង​ក្នុង​ពិភព​​បាល់ទាត់​ក្នុង​សាល​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ​ត្រូវ​ជើង​អ្នក​លេង​ល្បី​ឈ្មោះ​ Ov Mal FC​ នៅ​ថ្ងៃ​អាទិត្យ​ ទី​១៣​ សីហា​ វេលា​ម៉ោង​៦​:៣០​នាទី​ល្ងាច​នេះ​ CLEAR Arena The Blue Sports Center។ ក្រុម​ទាំង​ពីរ​ប្រាកដ​ជា​ធ្វើ​ឲ្យ​អ្នក​ទស្សនា​កន្ត្រាក់​អារម្មណ៍​ខ្លាំង​ជា​មិន​ខាន​ឡើយ។

ប៉ុន្តែ​មុន​ឈាន​ដល់​ក្រុម​ខ្លាំង​ទាំង​ពីរ​ពាក់​មុខ​យក្ស​ដាក់​គ្នា​ មាន​គូ​ប្រកួត​ជា​ច្រើន​ក្នុង​ពាន​រង្វាន់​ដដែល​នេះ​ពោល​គឺ​ចាប់​ពី​រសៀល​ថ្ងៃ​សៅរ៍ ទី​១២​ សីហា​នេះ​ទៅ។ ខាង​ក្រោម​ជា​កម្មវិធី​​វគ្គ​សន្សំ​ពិន្ទុ​ក្នុង​ពូល​នៃ​សប្តាហ៍​ទី​៣​ពាន​រង្វាន់ CLEAR NATIONAL FUTSAL CUP 2017។​

ថ្ងៃ​សៅរ៍ ទី​១២ សីហា​ ២០១៧​​ ពូល C 7 Makara Youth vs Down Town Sport ម៉ោង​២​រសៀល​ Snoul FT vs Daniel FC ម៉ោង​៣:៣០​នាទី​រសៀល​ ពូល​ B UYFC Meanchey vs UYFC Komchaymear ម៉ោង​៥​ល្ងាច​ VK United vs Fan Sport FT ម៉ោង​៦:៣០ ​ល្ងាច​ ​

ថ្ងៃ​អាទិត្យ​ ១៣ សីហា ២០១៧​ ពូល A Daun Penh FC vs Neath Asia FC ម៉ោង​២​រសៀល​ Panda FC VS 3G FC ម៉ោង​៣:៣០​នាទី​រសៀល​​ ពូល D​ Home Sport FC vs IP FC ម៉ោង​៥​ល្ងាច​ Anachak Baitong vs Ov Mal FC ម៉ោង​៦:៣០ ​ល្ងាច​

ព័ត៌មាន​បាល់ទាត់៖ CLEAR NATIONAL FUTSAL CUP 2017

អត្ថបទ៖ ជាន ចាន់រ៉ា