ចេះប្រើប្រាស់ Stories លើ Facebook ច្បាស់នៅ? ចាំ Sabay បង្រៀន

2017-08-12 03:44:11
ចំនួនមតិ 0 | ចំនួនចែករំលែក 0

ចន្លោះមិនឃើញ

បើក្រឡេកទៅមើលផ្នែកខាងលើបង្អស់នៃកម្មវិធី Facebook អ្នកនឹងឃើញរង្វង់នៃគណនីជាច្រើន ដែលយើងហៅមុខងារនោះថា Stories។ អាចអនុញ្ញាតឲ្យអ្នកប្រើប្រាស់ធ្វើការបង្ហោះនូវរូបភាពឬវីដេអូវែងបំផុត ២០ វិនាទីក្នុង Timeline របស់ពួកគេ។ រាល់រូបភាពនិងវីដេអូដែលបង្ហោះចេញទៅ គឺអាចមើលឃើញក្នុងរយៈពេលត្រឹម ២៤ ម៉ោងប៉ុណ្ណោះ ដូចទៅនឹងកម្មវិធី Snapchat និង Instagram ដែរ។

+វិធីប្រើប្រាស់ Stories លើ Facebook (សម្រាប់តែទូរសព្ទ) ៖

ក្រឡេកផ្នែកខាងលើនៃ Facebook មានរង្វង់មួយ ជារូបយន្តហោះដែលមានអក្សរ Direct (ករណីបើថ្ងៃនេះអ្នកបានផុសរូបអ្វី វានឹងលោតបង្ហាញក្នុងតារាងនោះ) ឬម្យ៉ាងទៀតអាចចុច Your Story ផ្ទាល់តែម្ដងក៏បាន
ចុចពាក្យ Send Photo/Video ដើម្បីចូលទៅកាន់ផ្ទាំងកាមេរ៉ា

អ្នកអាចធ្វើការកែច្នៃរូបភាពចាស់តាមរយៈ Camera Roll ក៏បាន ដោយចុចលើផ្នែកបណ្ដុំរូបតូចមួយដែលស្ថិតនៅផ្នែកខាងក្រោមបង្អស់ ចំហៀងខាងស្ដាំឬចង់ថតផ្ទាល់សារជាថ្មី ដោយរូបភាពថតធម្មតា និងវីដេអូចុចលើប៊ូតុងថតឲ្យជាប់កុំលេងដៃដល់ថតចប់ (បញ្ជាក់: មិនអាចលើស ២០ វិនាទី)
អ្នកក៏អាចធ្វើការប្ដូរ Filter ដែលតម្រូវឲ្យអូសផ្នែកអេក្រង់ចុះក្រោមឡើងលើ សម្របនឹងគ្រាប់ចុចៗមានចំហៀងខាងឆ្វេងដៃ

ពេលថតហើយ អ្នកអាចធ្វើការបញ្ចូល Text (អក្សរ) ឬម៉ូដបន្ទាត់ជាច្រើន ដែល Tool របស់វា មាននៅផ្នែកខាងក្រោមបង្អស់
ចូលដល់ជំហានបន្ទាប់ អ្នកអាចធ្វើការជ្រើសរើសថាត្រូវបង្ហោះ Stories នោះជាលក្ខណៈ Public ទៅកាន់បុគ្គលណាម្នាក់ តាមរយៈកំណត់ដោយខ្លួនឯង។