ត្រៀមហើយឬនៅ? ជិតដល់ថ្ងៃបានមើលរឿង "ហ្លួងព្រះស្តេចកន" ពេញភ្នែកហើយណា!

2017-08-15 04:49:30
ចំនួនមតិ 0 | ចំនួនចែករំលែក 0

ចន្លោះមិនឃើញ

រហូតមកដល់ពេលនេះរឿងបែបប្រវត្តិសាស្ត្រ "ហ្លួងព្រះស្តេចកន" ដែលមានការសម្រិតសម្រាំងខ្លាំងដោយក្រុមការងារផលិត ដែលសុទ្ធសឹងតែជាកូនខ្មែរទាំងអស់នោះ កាន់តែខិតជិតចូលមកដល់ថ្ងៃចាក់បញ្ចាំងហើយ គឺនៅថ្ងៃទី ១៨ ខែសីហា ឆ្នាំ២០១៧។

សម្រាប់ប្រិយមិត្ត ដែលចង់ទទួលបានបទពិសោធន៍ប្លែក ក្នុងការទស្សនាខ្សែភាពយន្តបុរាណខ្មែរ ដែលល្អទាំងគុណភាពរូបភាព និងការសម្តែង អាចអញ្ជើញទៅទិញសំបុត្រនៅតាមបណ្តារោងភាពយន្តធំៗ ក្នុងរាជធានីភ្នំពេញ និងខេត្តសៀមរាប ដូចជា៖ រោងភាពយន្ត Legend Major Cineplex Prime Cineplex Platinum Cineplex និងបារាយណ៍អណ្តែតសៀមរាប។

ដំណើរការផលិតខ្សែភាពយន្តដ៏ល្អឯកមួយនេះ ត្រូវបានចំណាយពេល រហូតដល់ទៅជាង ២ឆ្នាំ ក្រោមការយកចិត្តទុកដាក់ ចំណាយទាំងកម្លាំងកាយ កម្លាំងចិត្ត និងថវិកាយ៉ាងច្រើន។ ផលិតករភាពយន្ត ឯកឧត្តម ម៉ៅ អាយុទ្ធ បានបញ្ជាក់ថា នេះមិនមែនជារឿងងាយស្រួលឡើយ ព្រោះត្រូវរកទីតាំងដែលល្អ ការរៀបចំកន្លែងថត ការរៀបចំសំលៀកបំពាក់ រួមទាំងការបង្វឹកដល់តួសម្តែង ពីការជិះសត្វពាហនៈ ដូចជាសេះ ឬ ដំរី ដើម្បីឲ្យមើលទៅដូចជាអ្នកជំនាញយ៉ាងប៉ិនប្រសព្វ។ នេះសបញ្ជាក់ឲ្យឃើញថា ខ្មែរក៏មានស្នាដៃខ្លាំង និងសមត្ថភាព ក្នុងការផលិតភាពយន្តដែលមានគុណភាព មិនចាញ់ប្រទេសជិតខាងឡើយ។ ចង់ដឹងថាតើសាច់រឿង "ហ្លួងព្រះស្តេចកន" ល្អមើល និងអស្ចារ្យយ៉ាងណានោះ សូមកុំភ្លេចជាវសំបុត្រ ចូលរួមទស្សនាទាំងអស់គ្នា ចាប់ពីថ្ងៃទី ១៨ ខែសីហា ឆ្នាំ ២០១៧ នេះតទៅ។ រាល់ការទិញសំបុត្រចូលទស្សនារបស់លោកអ្នក គឺជាការចូលរួមចំណែកលើកកម្ពស់ ដល់ស្នាដៃផលិតភាពយន្តខ្មែរ៕

ដោយ៖ ថា ម៉ាលីដា