Duke 250 ស៊េរី ២០១៧ រាងឡើងឡូយ ឯតម្លៃវិញមិនខុសពីស៊េរីមុន

2017-08-16 07:29:46
ចំនួនមតិ 0 | ចំនួនចែករំលែក 0

ចន្លោះមិនឃើញ

KTM Duke កម្លាំងម៉ាស៊ីន ២៥០ សេសេស៊េរី ២០១៧ ដែលជាម៉ូតូស្ព័រថ្មីទើបមកដល់ទីផ្សារក្នុងស្រុកថ្មី មានចំណុចពិសេសគួរឲ្យចាប់អារម្មណ៍ជាច្រើនរួមទាំងតម្លៃរបស់វាផងដែរ។

ក្នុងនោះដែរ ចំណុចដែល Duke 250 ស៊េរី 2017 បានផ្លាស់ប្តូរមានច្រើនដែរដូចជា កុងទ័រ LCD សម្រាប់បង្ហាញទិន្នន័យ គ្រោងធ្វើដែកទម្ងន់ស្រាលអាចជួយឲ្យម៉ូតូបង្កើនសន្ទុះបានលឿន ប្រព័ន្ធបញ្ចេញផ្សេងថ្មីដែលកាត់បន្ថយសំឡេងរំខាន ប្រអប់លេខ ៦ វគ្គស៊ីសាំងតិច និងមានបំពាក់អំពូលភ្លើង LED ជាដើម។

អ្វីដែលគួរឲ្យកត់សម្គាល សំរាប់ម៉ូតូKTM 250 DUKE សេរីឆ្នាំ២០១៧នេះ គឺការរចនាថ្មីទាំងស្រុង លើរូបរាងជាមួយនឹងការបំពាក់នូវប្រព័ន្ធភ្លើង LED ផ្នែកខាងមុខ ដែលធ្វើឲ្យម៉ូតូមួយនេះ កាន់តែមានការ ចាប់អារម្មណ៍ជាខ្លាំង អ្នកនិយមជិះម៉ូតូ ។

កញ្ញា Rattana Phaisiri អ្នកបង្ហោះម៉ូតូដ៏ល្បីឈ្មោះ នៅក្នុងប្រទេសថៃ ក៏បានចូលរួម ក្នុងកម្មវិធីសម្ពោធ នូវជំនាន់ថ្មីនៃម៉ូតូKTM 250DUKE សេរីឆ្នាំ២០១៧ ផងដែរ។

កញ្ញា Rattana Phaisiri ដែលជាអ្នកជំនាញម៉ូតូបានឲ្យដឹងថា កញ្ញាមានអារម្មណ៍ រំភើបរីករាយយ៉ាងខ្លាំង ដែលបានមកធ្វើការបង្ហាញសមត្ថភាព របស់កញ្ញាជាមួយនឹងម៉ូតូ KTM 250DUKE សេរីឆ្នាំ២០១៧។ កញ្ញាបន្ដទៀតថា ម៉ូតូKTM ម៉ូឌែលថ្មី មានការរចនារូបរាងឡើង យ៉ាងស្រស់ស្អាតជាមួយ នឹងថាមពល របស់ម៉ាស៊ីនកាន់តែពិសេស ដែលធ្វើឲ្យកញ្ញាកាន់តែជក់ចិត្ត ក្នុងការបង្ហាញសមត្ថភាព របស់កញ្ញាបន្ថែមទៀត។

លក្ខណៈសម្បត្តិរបស់ KTM Duke

មានម៉ាស៊ីនទំហំ ២៥០ សេសេ
ធុងសាំងធំជាមុនដល់ទៅ 2.4លីត្រ
បង្កើតកម្លាំងបាន ២៩ សេះ
មានប្រព័ន្ធបញ្ឆេះបែបឌីជីថល
ម៉ាស៊ីនបញ្ចុះកម្ដៅដោយទឹក
កង់ទំហំ ១៧ អ៊ីញ
ទម្ងន់ ១៦១ គីឡូក្រាម
កម្ពស់កែប ៨៣០ ម.ម
អាចផ្ទុកសាំងបាន ១៣,៥ លីត្រ
តែគ្មានប្រព័ន្ធហ្វ្រាំង ABS ទេ។

ម៉ូតូស្ព័រ KTM Duke នេះមានដាក់លក់នៅលើទីផ្សារក្នុងស្រុកហើយ ដោយមានលក់ក្នុងតម្លៃប្រមាណជា ៤ ៧០០ ដុល្លារ។

រំឮកថា ក្រុមហ៊ុន KTM Cambodia បានធ្វើការសម្ពោធជាផ្លូវការនូវជំនាន់ថ្មីនៃម៉ូតូ KTM គឺម៉ូឌែល 250DUKE សេរីឆ្នាំ២០១៧ ដែលចាប់ផ្ដើមមានវត្តមានជាផ្លូវការ កាលថ្ងៃទី១២ ខែសីហា ឆ្នាំ២០១៧ កន្លងទៅថ្មីៗនេះ៕

អត្ថបទ៖ រក្សា