មិននឹកស្មាន សាន់ដេ ធ្វើដល់ម្ល៉ឹងដាក់ មាស សាលី ក្រោយពីខេមរៈ សិរីមន្ត ចេញទៅហង្សមាស

2017-08-24 02:17:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពី ខេមរៈ សិរីមន្ត ផុតកុងត្រានៅសាន់ដេផ្លាស់ទៅហង្សមាសភ្លាម ស្រាប់តែពេលនេះ មាស សាលី ត្រូវបានយកចិត្តទុកដាក់យ៉ាងខ្លាំងពីសំណាក់ផលិតកម្មខាងលើដោយផ្ដល់បទចម្រៀងជាច្រើនបទដល់លោកត្រៀមនឹងចេញក្នុងពេលឆាប់ៗនេះផងដែរ។

មាស សាលី បានប្រាប់ Sabay ថា ផលិតកម្មសាន់ដេបានត្រៀមបទចម្រៀងមួយវ៉ុលសម្រាប់លោកម្នាក់ឯង ហើយបទចម្រៀងទាំងអស់នោះត្រៀមចេញនៅថ្ងៃទី២៧ ខែ សីហា ឆ្នាំ២០១៧ ខាងមុខនេះ។ ១វ៉ុលដែលសាន់ដេរៀបចំឲ្យនោះមុនពេល ខេមរៈ សិរីមន្ត ចូលទៅផលិតកម្មហង្សមាសទៅទៀត មិនមែនទើបតែរៀបចំកាលពីពេលថ្មីៗនេះទេ។

“ មួយវ៉ុលដែលបងត្រៀមចេញម្នាក់ឯងហ្នឹង ជាបទបែបមនោសញ្ចេតនាទាំងអស់ បងសង្ឃឹមថា ក្រោយពីបទថ្មីនេះចេញ នឹងទទួលបានការគាំទ្រពីពុកម៉ែបងប្អូន។ ហើយបងក៏មិនហ៊ានសង្ឃឹមថា បងអាចគ្រងតំណែងជាកំពូលតារាចម្រៀងនៅសាន់ដេ នោះដែរព្រោះពេលនេះបងចាស់ហើយ អាយុ៣៦ ឆ្នាំហើយ" ។ មាស សាលី ថ្លែងបញ្ជាក់។

ក្រោយពីបទ១វ៉ុលនេះចេញ មាស សាលី ក៏មានបទ Original Song ដែលលោកផលិតដោយខ្លួនឯងត្រៀមចេញវាយលុកនៅលើទីផ្សារជាបន្តបន្ទាប់ផងដែរ៕

ចុចអាន៖ជុំវិញមាស សាលី

ចុចអាន៖គូស្នេហ៍ ម៉ារ៉ា ប៊ុណ្ណា ក្ដៅក្រហាយ ជុំវិញព័ត៌មានស្នេហានិងអតីតប្រពន្ធ ជៀស ស្រួច

អត្ថបទ៖ ឆុង ស៊ីណាន