អគ្គស្នងការនគរបាលជាតិ ចុះកិច្ចព្រមព្រៀងលើសេវាកម្មធានារ៉ាប់រងថ្មី

2017-09-11 10:50:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គស្នងការនគរបាលជាតិ បានចុះហត្ថលេខាកិច្ចព្រមព្រៀងថ្មីមួយស្ដីពីការសហការផ្ដល់សេវាកម្មធានារ៉ាប់រងដល់ជនរងគ្រោះ ដោយសារគ្រោះថ្នាក់ចរារចរណ៍នៅកម្ពុជា ជាមួយក្រុមហ៊ុនធានារ៉ាប់រង អេច អាយ ម៉ាយក្រូអ៊ិនសួរេន កាលពីថ្ងៃទី ៧ កញ្ញា សប្ដាហ៍មុន នៅសណ្ឋាគារ សាន់វេ។

នាយឧត្ដមសេនីយ៍ គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ (ឆ្វេង)

ពិធីចុះហត្ថលេខាលើអនុស្សរណៈនៃការយោគយល់គ្នាមួយនេះ ធ្វើឡើងក្រោមអធិបតីភាពរបស់ឯកឧត្ដម នាយឧត្តមសេនីយ៍ សន្តិបណ្ឌិត ឯម សំអាន រដ្ឋលេខាធិការក្រសួងមហាផ្ទៃ មន្ត្រីជាន់ខ្ពស់ស្នងការនគរបាលជាតិ និងថ្នាក់ដឹកនាំក្រុមហ៊ុនធានារ៉ាប់រងខាងលើ។

នាយឧត្ដមសេនីយ៍ គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ ថ្លែងសាទរក្នុងពិធីនេះថា កិច្ចសហការនេះ មានផលល្អប្រសើរសម្រាប់ជនរងគ្រោះទាំងឡាយដែលជួបបញ្ហាលើដងផ្លូវ។ "មូលហេតុដែលក្រសួងមហាផ្ទៃ អនុញ្ញាតឲ្យចុះអនុស្សរណៈនេះ ដោយសារ សម្ដេច លោកបានពិនិត្យឃើញថា សេវាកម្មនេះមានប្រយោជន៍ជាច្រើន ជាពិសេសជួយសម្រាលបន្ទុកដ៏ធ្ងន់របស់រាជរដ្ឋាភិបាល ទាក់ទងដល់ជនរងគ្រោះដោយសារគ្រោះថ្នាក់ចរាចរណ៍ និងសម្រាលបន្ទុករបស់ជនរងគ្រោះខ្លះដែលគ្មានសមត្ថភាពចំណាយលើសេវាមន្ទីរពេទ្យ ជាដើម"។

ឯកឧត្តម បន្តថា វិសាលភាពនៃសេវាកម្មនេះ គឺបានច្រើន មិនមែនផ្តោតតែលើអ្នកទិញសេវាកម្មនេះទេ ដោយលើកជាឧទាហរណ៍ថា “មានបងប្រុសម្នាក់ ទិញម៉ូតូភ្ជាប់ជាមួយធានារ៉ាប់រង RVI។ ករណីមានប្អូនស្រីគាត់ ឬប្អូនប្រុស ឬអ្នកដទៃដែលជិះម៉ូតូនេះ នឹងទទួលបានការផ្ដល់សេវាធានារ៉ាប់រងនេះដូចគ្នា"។

ចុងខែកញ្ញា នេះ ក្រុមហ៊ុន នឹងប្រកាសដាក់លក់សេវាកម្មធានារ៉ាប់រងនេះជាផ្លូវការ។ សម្រាប់សេវាកម្មធានារ៉ាប់រង RVI នេះ ជនរងគ្រោះនឹងទទួលបានសំណងលើ៖

ការព្យាបាលរបួស
ពិការភាព និង
បាត់បង់ជីវិត។

តារាងតម្លៃ RVI តាមប្រភេទយានយន្ត៖

១៧ ដុល្លារអាមេរិក/ឆ្នាំ សម្រាប់ម៉ូតូ
២០ ដុល្លារអាមេរិក/ឆ្នាំ សម្រាប់រ៉ឺម៉កកង់បី ឬម៉ូតូ + ផ្នែកបន្ថែម (បន្ថែមកង់)
៧០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរមិនលើស ៥ នាក់)
៨០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរលើស ៥ នាក់)
៩០ ដុល្លារអាមេរិក/ឆ្នាំ សម្រាប់យានយន្តផ្សេងៗដែលមានកង់ច្រើនជាង ៤ ។

អ្នកអាចទិញធានារ៉ាប់រងគ្រោះថ្នាក់ចរាចរណ៍ គ្របដណ្ដប់ជនរងគ្រោះ (RVI) នៅទីស្នាក់ការកណ្ដាលក្រុមហ៊ុន អេច.អាយ ម៉ាយក្រូ អិនសួរេន នៅរាជធានីភ្នំពេញ ឬនៅតាមភ្នាក់ងារទ្រូម៉ាន់នី ទូទាំងកម្ពុជា។

សម្រាប់ព័ត៌មានបន្ថែម សូមទាក់ទង៖