ស្រីស្អាតកម្ពុជា ២ រូប កាន់ពានរង្វាន់ម្នាក់១ ពីកម្មវិធីប្រកួតសម្រស់ដ៏ធំនៅចិន

2017-09-17 02:09:22
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែលកម្ពុជា២រូបដែលតំណាងកម្ពុជាទៅប្រកួតក្នុងកម្មវិធី “Miss China-ASEAN Etiquette Pageant” ក្នុងពីចុងខែ សីហា ឆ្នាំ២០១៧កន្លងទៅនេះ បានកាន់ពាន់រង្វាន់យ៉ាងមោទនភាពម្នាក់១ពីប្រទេសចិនត្រលប់មកមាតុប្រទេសវិញកាលពីពេលថ្មីៗនេះ។

បើតាមការបញ្ជាក់ពីកញ្ញា សូរ្យ អេណា នាយិកាគ្រប់គ្រងក្រុមហ៊ុន "តារារះថ្មីកម្ពុជា" និងជាអ្នកចាត់ចែងបញ្ចូលម៉ូដែលចេញទៅប្រកួតក្នុងកម្មវិធីខាងលើបានឲ្យដឹងថា ស្រីស្អាទាំង២ដែលបានចេញទៅប្រកួតនោះរួមមាន កញ្ញា លឹម ណយ មានអាយុ១៩ឆ្នាំ។ នាងបានទទួលពាន "Best Talent” ឬ ពានកញ្ញាឯកដែលមានទេពកោសល្យល្អផ្ដាច់គេ លើវិញ្ញាសារាំ។ ឯមួយមួយរូបទៀតគឺកញ្ញា នាង វណ្ឌី អាយុ២១ឆ្នាំ។ នាងទទួលបានពានរង្វាន់ "Best Smile” ឬកញ្ញាឯកដែលមានស្នាមញញឹមស្រស់ស្រាយផ្ដាច់គេ។

លឹម ណយ ទទួលពាន”Best Talent”

នាង វណ្ឌី ទទួលបានពានរង្វាន់ "Best Smile”

គួររលឹកថា កម្មវិធី “Miss China-ASEAN Etiquette Pageant” ធ្វើឡើងក្នុងគោលបំណងរឹតចំណងមិត្តភាពចិនរវាង និងអាស៊ាន នឹងធ្វើឡើងចាប់ពីថ្ងៃទី២៧ ខែ សីហា ដល់ថ្ងៃទី១៤ ខែ កញ្ញា ឆ្នាំ២០១៧នេះ ដោយមានបេក្ខនារីមកចិនចំនួន២០រូប និងបេក្ខនារី២រូបតំណាងប្រទេសផ្សេងៗក្នុងតំបន់អាស៊ាន៕

អត្ថបទ៖ សុខណា

រូបភាព៖ ផ្ដល់ឲ្យ