បារាំងស្រលាញ់វប្បធម៌ខ្មែរ Bidaut សម្ដែងល្បុក្កតោនៅអាមេរិកសប្ដាហ៍ក្រោយ

2017-09-22 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្តាហ៍ក្រោយនេះ តារាល្បុក្កតោស្បែកសជនជាតិបារាំង Bidaut Derek នឹងបង្ហាញស្នៀតក្បាច់គុនបុរាណខ្មែរឲ្យពលរដ្ឋខ្មែរនៅអាមេរិក និងជនជាតិបានឃើញដែលនេះជាដំណើរផ្សព្វផ្សាយវប្បធម៌គុនខ្មែរនៅទឹកដីប្រទេសអ្នកមាន។

តារាគុនល្បុក្កតោ Bidaut Derek ដែលស្រលាញ់ចូលចិត្តគុនខ្មែរយ៉ាងខ្លាំងបានឲ្យដឹងថា នៅថ្ងៃទី២៨ ខែកញ្ញាសប្តាហ៍ក្រោយនេះ រូបគេ និងលោក Sarin Preap នឹងសម្តែងបង្ហាញក្បាច់គុនបុរាណខ្មែរគឺល្បក្កតោនៅ VALOR Training Center។ សូមសំណូមពរដល់បងប្អូនប្រជាពលរដ្ឋខ្មែររស់នៅអាមេរិក ក៏ដូចជាជនបរទេសចូលរួមទស្សនាគាំទ្រដល់វប្បធម៌បុរាណគុនខ្មែរ។

ការសម្តែងបង្ហាញក្បាច់គុនល្បុក្កតោនេះនឹងប្រើរយៈពេល២ម៉ោងគឺចាប់ពីម៉ោង៧ដល់៩យប់ ថ្ងៃព្រហស្បតិ៍ ទី២៨ ខែកញ្ញា ឆ្នាំ២០១៧នៅទីលានហ្វឹកហាត់ VALOR ទីក្រុង Stockton រដ្ឋកាលីហ្វញ៉ា សហរដ្ឋអាមេរិក។ តម្លៃនៃការចូលរួមទស្សនា ៣៥ដុល្លារអាមេរិក៕