គិតត្រឹម២ខែចុងក្រោយ តារាចម្រៀងនិងសម្ដែង៨ រូបផ្ទុះជម្លោះដាក់គ្នាពេញបណ្ដាញសង្គម

2017-09-25 09:17:52
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមដើមខែ សីហា មកដល់ចុងខែ កញ្ញា ឆ្នាំ២០១៧នេះ តារាចម្រៀង និងសម្ដែងប្រុសស្រី ៨ រូបបានផ្ទុះសង្គ្រាមពាក្យសម្ដីដៀមដាមគ្នាទៅវិញទៅមកផ្អើលពេញបណ្ដាញទំនាក់ទំនងសង្គម។

តើតារាចម្រៀងប្រុសស្រីទាំង៨ រូបមានអ្នកណាខ្លះ?

ថ្ងៃនេះ Sabay សូមធ្វើការបង្ហាញជូនវត្តមានអ្នកសិល្បៈទាំង ៨ រូបដែលផ្ទុះកំហឹងដាក់គ្នាទៅវិញទៅមកនៅលើទំព័រហ្វេសប៊ុករួមមាន៖ G-Devith ក្មេងខ្មែរ ចន ច័ន្ទលក្ខិណា សុវណ្ណ មករា ម៉ៃ សុគន្ធ ហេង នរៈកក្កដា ហម ឈរ៉ា និង តារាសម្ដែង អ៊ឺង សុទ្ធារិទ្ធ ហៅ ដុកទ័ររិទ្ធ ។

១/ជម្លោះ G-Devith និងក្មេងខ្មែរទាក់ទងបទបទចម្រៀង ច្រៀងដៀមដាមកាច់កុងដាក់គ្នាទៅវិញទៅមក។ ដល់ភាគីម្ខាងទៀតនិពន្ធបទចម្រៀងដោយប្រើពាក្យពេចន៍មិនសមរម្យដើម្បីចង់យកឈ្នះចាញ់រៀងៗខ្លួន។

២/បើនិយាយអំពីជម្លោះអ្នកនាង ចន ច័ន្ទលក្ខិណា និង សុវណ្ណ មករា បកអាក្រាតគ្នាទៅវិញទៅមកផ្អើលពេញបណ្ដាញសង្គមហ្វេសប៊ុក រហូតដាក់ពាក្យប្ដឹងផ្ដល់គ្នាទៀតផង។

៣/ ងាកមកចាប់អារម្មណ៍ជម្លោះរវាងតារាសម្ដែង ហេង នរៈកក្កដា និង តារាចម្រៀង ម៉ៃ សុគន្ធ កើតឡើងដំបូងតាមរយៈការរិះគន់ម៉ូដសក់ ខេមរៈ សិរីមន្ត ថាចម្លងស្ទីលពី Justin Bieber ក៏បង្កទៅជាសង្គ្រាមពាក្យសម្ដីដាក់គ្នាទៅវិញទៅមកពី១ភាគទៅ១ភាគ។

៤/ ត្រឡប់មកជម្លោះតារាសម្ដែងជើងចាស់លោក ហម ឈរ៉ា ជាមួយ ដុកទ័ររិទ្ធ វិញកើតឡើងដោយសារកូនខ្មែរមិនសរសេរអក្សរសាស្ត្រខ្មែរនៅលើបណ្ដាញសង្គមហ្វេសប៊ុក បែរជាទៅសរសេរអក្សរអង់គ្លេសតែមានសូរសៀងបែបខ្មែរទៅវិញ៕