ការ​បញ្ជូន​កូន​ទៅ​សាលារៀន​ ​ក្នុង​កម្រិត​អាយុ​ដ៏ត្រឹមត្រូវ​មួយ​ ​អាចឲ្យ​កូនឆាប់​ទទួល​បាន​អប់​រំ​ និង​មានឱកាស​សម្រេច​កិច្ច​ការងារ​បាន​មុន​គេ​។ ​ជាមួយ​គ្នា​នេះ​ អ្នក​ជំនាញ​ក្នុង​វិស័យ​អប់រំ​ ​ បាន​លើក​ឡើង​ថា ឪពុក​ម្ដាយ​គួរបញ្ជូន​ទៅ​កូនរៀន​ ​នៅអាយុ​ ​៣ឆ្នាំ​ឡើង​ទៅ​ ព្រោះ​ជាអាយុ​ដែលក្មេង​រៀន​ឆាប់​ចេះ​ និង​ចំណាំ​ឆាប់ចាំ​បំផុត​។

ឪពុក​ម្ដាយ​មួយ​ចំនួន​ ​តែង​បារម្ភនៅ​ពេល​បញ្ជូន​កូន​ទៅសាលានូវ​អាយុ​តិច​ពេក​ ​អាច​ធ្វើឲ្យ​កូន​មាន​អារម្មណ៍​ស្រងេះ​ស្រងោច ​និង​មិន​ស្វាហាប់​ ដូច​ក្មេង​ធំ ​មាន​អាយុ​ ​៤ ឬ ​៥ឆ្នាំ​ឡើង​។ ដោយ​ឡែកតាម​ទស្សនៈ​របស់អ្នក​ធ្វើការ​ក្នុងវិស័យ​អប់រំ​ ​លោក​ឧកញ៉ា​គួច​ ​ម៉េងលី​ ​បាន​ពោល​ថា​ ​តាមការ​សិក្សា​ជា​ទូទៅ​ ក្មេង​ចាប់ផ្ដើម​ក្លាហាន​គឺនៅ​អាយុ​ចាប់​ពី​ ៣ឆ្នាំ​ឡើង​ នៅក្នុង​កម្រិត​អាយុ​នេះ ​ឪពុកម្ដាយ​គួរណាស់​បញ្ជូន​កូន​ឲ្យ​ទៅ​រៀន​។

​លោក​បន្ត​ថាៈ​ «កុំចាំ​ដល់​អាយុ ​៥ឆ្នាំ​ ឬក្មេងធំ​ ឲ្យរៀន​ថ្នាក់​មត្តេយ្យ​សិក្សា​អី ...​ គួរឲ្យ​​​ក្មេង​ចូលរៀន​ថ្នាក់​ក្រោម​មត្តេយ្យ​សិក្សា​ ចាប់អាយុ​ ៣ឆ្នាំ​ ​ក្មេងនឹង​ចាប់​ឆា​ប់បាន​ ​យល់​ឆាប់​ដឹង ហើយ​ស៊ីជម្រៅ​លើ​ការរៀន​សូត្រ​ ​ពេល​ចូលរៀន​គឺឆាប់​ទាន់​គេ​ ​រៀនចេះ​ ​ពូកែ និង​ស៊ាំនឹង​ការទំនាក់ទំនង​ជាមួយអ្នក​ដទៃ​»។

យ៉ាង​ណា​បើប្រៀប​ធៀប​ក្មេងអាយុ​ ​៥ឆ្នាំ​ ​ទើប​បញ្ជូន​ចូលរៀន​ទី១​តែម្ដង​ ​គឺវាយឺត​ពេល ដែល​លោកថា​ធ្វើឲ្យ​ក្មេងមិន​បាន​ត្រៀម​ខ្លួន​ ​ក្មេង​អាច​បាក់​ស្បាត​ ​ក្មេង​អត់បាន​ស៊ាំនឹង​សាលា​ ​និង​គ្រូ ដូច្នេះក្នុងការសម្រេចចិត្តបញ្ជូនកូនអាយុ ៣ឆ្នាំ ឲ្យសាលារៀន ជាជម្រើសប្រសើរ។

អ្នក​ជំនាញ​រូបនេះ​ ​ក៏លើក​ទឹកចិត្ត​ដល់​ឪពុកម្ដាយ​ព្យាយាម​ជម្រុញ​កូនឲ្យ​ប្រឹងរៀន​តាំង​ពីអាយុ​ ​៣ឆ្នាំ​ឡើង​ ហើយ​រៀន​ណេះ​ដឹងទូទៅ​ ​ដែល​មានភាសា​គ្រប់ភាសា​ ​មិនមែន​រៀនតែ​ភាសា​អង់គ្លេស​នោះ ពោល​គឺចាប់​ផ្ដើមពី​ភាសា​ជាតិ​ជាមុន​៕

ចុចអានអត្ថបទពាក់ព័ន្ធ៖

• អ្នក​ជំនាញ​អប់រំ​ថា​គួរ​ឲ្យ​កូនៗ​ចេះ​ភាសាជាតិសិន​មុន​បញ្ជូន​ទៅរៀន​ភាសាបរទេស

• ក្រសួង​អប់រំ​គ្រោង​បង្កើត​"បណ្ណាល័យអនឡាញ" ដើម្បីជំរុញការ​​អាន​សៀវភៅ​ចម្រុះ​ទូទាំង​ប្រទេស​

អត្ថបទ៖ ស៊ិន សាវ៉េត