ស្ងាត់ៗ ដួង ម៉ានិច ត្រៀមឡើងគេហដ្ឋានថ្មីតម្លៃជាង១សែនដុល្លារ

2017-10-01 06:28:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ងាត់ៗ ដួង ម៉ានិច ត្រៀមឡើងវិឡាកូនកាត់ថ្មីយ៉ាងឡូយតម្លៃជាង ១ សែនដុល្លារនៅ បុរីប៉េងហ៊ួតម្ដុំផ្លូវជា សុផារ៉ា ក្នុងពេលឆាប់ៗនេះ។

ដួង មានិច បានប្រាប់ Sabay ថា ខណៈពេលនេះនាងកំពុងតែរៀបចំតុបតែងលំអគេហដ្ឋានថ្មីរបស់ខ្លួន តម្លៃ ១២ ម៉ឺនដុល្លារអាមេរិក មុននឹងធ្វើពិធីអញ្ជើញភ្ញៀវកិត្តិយស និងមិត្តភ័ក្ដិសិល្បៈឲ្យចូលរួម។ ទាក់ទងថវិកាទិញវីឡានេះ នាងទិញបង់រំលោះពាក់កណ្ដាល មិនបានទិញលុយសុទ្ធបង់ផ្ដាច់នោះទេ។

“លុយទិញផ្ទះហ្នឹងជាថវិកាដែលខ្ញុំ សន្សំបានពីសិល្បៈ និងចំណូលដែលបានមកពីការបើកហាង នៅប៉ៃលិន ហើយមួយចំណែកទៀតបងប្អូនខ្ញុំគាត់ជួយ មិនមានអ្នកធំណាម្នាក់ជួយខ្ញុំក្នុងការទិញផ្ទះនេះឡើយ"។ ដួង ម៉ានិច ថ្លែងបញ្ជាក់។

គួររំលឹកថាក្រៅពីទិញផ្ទះសម្រាប់រស់នៅខ្លួនឯងកាលពីពេលថ្មីនេះ ដួង ម៉ានិច ក៏បានទិញផ្ទះនៅកំបូលតម្លៃរាប់ម៉ឺនដុល្លារជូនអ្នកមានគុណផងដែរ៕