អេម! Kagawa ធ្វើបានកំណត់ត្រាមួយនៅ Bundesliga
- 2017-10-01 06:57:23
- ចំនួនមតិ 0 | ចំនួនចែករំលែក 0
អេម! Kagawa ធ្វើបានកំណត់ត្រាមួយនៅ Bundesliga
ចន្លោះមិនឃើញ
Shinji Kagawa បានក្លាយជាកីឡាករជប៉ុនរកគ្រាប់បាល់បានច្រើនជាងគេនៅ Bundesliga បន្ទាប់ពីស៊ុតបានមួយគ្រាប់ ជួយ Borussia Dortmund ឈ្នះ Augsburg ទាំងលំបាក ២-១ យប់មិញ។
ជោគជ័យនេះបានធ្វើឲ្យ Borussia Dortmund ដែលទើបបរាជ័យក្រោមថ្វីជើង Real Madrid នៅ Champions league បន្តឈរកំពូលតារាងក្នុងលីគ ដាច់៥ពិន្ទុបណ្ដោះអាសន្នពីក្រុមលេខ២ Hoffenheim ដែលត្រៀមជួប Freiburg យប់នេះ ឯក្រុមលេខ៣ Bayern Munich ក៏លេងជាមួយ Berlin ដូចគ្នា។
ក្នុងជំនួបយប់មិញ នាទីទី៤ Andriy Yarmolenko ជាអ្នកបើកឆាកឲ្យក្រុមពណ៌លឿង មុនពេល Caiuby របស់ Augsburg តាមបានស្មើវិញនាទី១១។ ១២នាទីបន្ទាប់ Kagawa ក៏អាចរកគ្រាប់ទី២ឲ្យ Dortmund ខណៈ Pierre-Emerick Aubameyang បានឱកាសទាត់បាល់ប៉េណាល់ទី១គ្រាប់ តែធ្វើមិនបានសម្រេច។ គិតមកទល់ពេលនេះ Kagawa វ័យ២៨ឆ្នាំរកបាន៣៨គ្រាប់ហើយ វ៉ាកំណត់ត្រា Shinzi Okazaki មួយគ្រាប់៕