អ្នកចង់ទៅមើល Man Utd លេងផ្ទាល់ មើលក្បួននេះ ចំណាយតិចហើយសប្បាយទៀត

2017-10-04 02:05:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្របាល់ទាត់នៅកម្ពុជាភាគច្រើនតែងតែមានបំណងប្រាថ្នាចង់ទៅមើលបាល់នៅតំបន់អឺរ៉ុប ជាពិសេសលីគរបស់អង់គ្លេសតែម្ដង ព្រោះមានប្រជាប្រិយភាពខ្លាំង។ តើធ្វើយ៉ាងណាខ្លះទៅ ដើម្បីបានទៅមើលការប្រកួតដែលខ្លួនប្រាថ្នានោះ?

លោក កែវ ដារា ដែលទើបតែទៅមើលការប្រកួតរបស់ Manchester United នៅ Old Trafford បានប្រាប់ថាមិនពិបាកទេសម្រាប់បងប្អូនដែលចង់ទៅមើលការប្រកួតនៅអង់គ្លេស។ បុគ្គលិកធ្វើការនៅក្រុមហ៊ុន សែលកាត រូបនេះណែនាំវិធីមួយចំនួនដូចខាងក្រោម៖

១. ត្រូវមានគម្រោងឱ្យបាន២ទៅ៣ខែមុន ៖ ការរៀបគម្រោងឱ្យបានមុន ២ទៅ៣ខែនេះ គឺអាចឱ្យអ្នករៀបចំខ្លួនបាននិងអ្វីៗអាចធូរថ្លៃ។ តួយ៉ាងដូចជា សុំ Visa កក់សំបុត្រយន្តហោះ កក់សំបុត្រចូលមើលការប្រកួតតាមវិបសាយ manutd.com និងរកកន្លែងស្នាក់នៅជាដើម (រកកន្លែងនៅជិតកីឡដ្ឋាន ពីព្រោះនៅថ្ងៃប្រកួតចរាចរអាចនឹងស្ទះរកតាម AirBnB) ។

២. ត្រូវរកគ្នាឱ្យបានច្រើននាក់បន្តិច ស្រួលចែកការចំណាយគ្នា គួរទៅលេងទីក្រុង Liverpool ព្រោះនៅជិតគ្នា ជិះរទេះភ្លើង ឬក៏និយាយជាមួយ Uber Driver ប្រហែល១០០ផោនប៉ុណ្ណោះទៅមក។ គួរតែឆ្លៀតទៅលេង Trafford Center នៅ Manchester ព្រោះជាជា Shopping Mall ធំជាងគេបំផុតនៅអង់គ្លេស។

៣. រឿងមួយដែលត្រូវធ្វើដើម្បីកុំឱ្យចំណាយអស់ច្រើនគឺប្រើ App Trainline សម្រាប់ធ្វើដំណើរ AirBnB សម្រាប់កន្លែងស្នាក់នៅ Tube Map សម្រាប់ជិះរថភ្លើង និង MUFixture សម្រាប់កម្មវិធីប្រកួត។