ទីបំផុតកូនស្រី ឈិន ឡុង សារភាពថាស្រឡាញ់ភេទដូចគ្នាហើយ

2017-10-06 13:11:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនស្រី ឈិនឡុង នាង Etta Ng បាននិយាយថា នាងជាមនុស្សស្រឡាញ់ភេទដូចគ្នា ដែលនាងបានបង្ហាញនៅលើបណ្ដាញសង្គមរបស់នាង។

ក្នុងសារបង្ហោះលើ Instagram របស់នាងឈ្មោះ @stolenmilktea កាលពីថ្ងៃទី ៥ តុលាម្សិលមិញដោយដាក់ចំណងជើងលើរូបភាពឥន្ទធនូថា៖ គ្មានអ្វីគួរឱ្យភ្ញាក់ផ្អើលនោះទេបើខ្ញុំជាមនុស្សស្រឡាញ់ភេទដូចគ្នា’ ។ ក្រោយមក Etta ក៏លុបចំណងជើងនោះចេញដោយជំនួសនូវសញ្ញា (hashtags) មួយចំនួនគឺ #lgbtqai, #lgbt, #lesbian (ស្រីស្រឡាញ់ស្រីដូចគ្នា) និង #androgynous ។

A post shared by @stolenmilktea on Oct 5, 2017 at 12:43am PDT

Etta វ័យ ១៧ ឆ្នាំត្រូវបានគេរាយការណ៍ថារស់នៅជាមួយតារាល្បីតាមបណ្ដាញសង្គមវ័យ ៣០ នាង Andi Autumn ។ Andi Autumnជាអ្នក ឌីហ្សាញ និងលក់សម្លៀកបំពាក់តាមអ៊ីនធឺណិតហើយនាងត្រូវបានគេស្គាល់តាមរយៈរូបសម្ផស្សដូចតុក្កតា Barbie ។ Andi Autumn ក៏បានបង្ហោះរូបរបស់នាងថតជាមួយ Etta រួមនឹងចំណងជើងថា នាងពុំធ្លាប់ជួបនរណាមួយដូច @stolenmiktea នោះទេ ។ “Etta ផ្ដល់ឱកាសឱ្យខ្ញុំបង្ហាញពីការគិតឱ្យទូលំទូលាយ មានរឿងមួយចំនួនប្រឆាំងនឹងពួកយើងម្ដងហើយម្តងទៀតប៉ុន្តែរឿងរ៉ាវទាំងនេះប្រាប់យើងថាយើងនឹងឆ្លងកាត់ជាមួយគ្នា។ ឆ្លងកាត់ការលំបាកទាំងអស់ដែលមាននៅឆ្នាំនេះហើយនៅទីបញ្ចប់យើងកំពុងធ្វើដំណើរទៅទិសដៅលើផ្លូវត្រឹមត្រូវមួយ"។ នាងបន្ត។ គួរបញ្ជាក់ថា Etta Ng គឺជាកូនស្រីប្រពន្ធទី២របស់ ឈិនឡុង គឺអតីតបវរកញ្ញាហុងកុង Elaine Ng ខណៈកូនប្រុស Jaycee Chan គឹជាកូនប្រុសរបស់ប្រពន្ធទី១នាង Lin Feng-jiao៕

ប្រភព៖ Straits Times ប្រែសម្រួល៖ សិរីបុទ្រ