ប៊ឺរី ឡើងតម្លៃខ្លួនគុណនឹង៣ដងបើប្រៀបធៀបពីពេលមុន

2017-10-10 03:08:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បើប្រៀបធៀបពីពេលមុន នឹងឥឡូវតម្លៃខ្លួនតួឯកប្រុសក្នុងរឿង "ស្រទន់មន្តស្នេហ៍"លោក ប៊ឺរី ឡើងខ្ពស់ជាងមុនឆ្ងាយគុណនឹង៣ដងឯណោះ។

ប៊ឺរី បានប្រាប់ Sabay ថាកាលពីចូលសិល្បៈមុនដំបូងលោកចេញថត១រឿងទទួលបានតម្លៃខ្លួនចន្លោះពី ៧០០ ដុល្លារ ទៅ ៨០០ ដុល្លារអាមេរិកតែប៉ុណ្ណោះ បានប៉ុន្មានឆ្នាំក្រោយមកតម្លៃខ្លួនក៏ចាប់ផ្ដើមឡើងជាបន្តបន្ទាប់ពី ១៥០០ ដុល្លារ ទៅ ២០០០ ដុល្លារអាមេរិក ។ ប៉ុន្តែសម្រាប់ឆ្នាំ២០១៧ នេះវិញតម្លៃខ្លួនលោកឡើងខ្ពស់ឆ្ងាយបើប្រៀបធៀបពីពេលមុន។

“ដូចខ្ញុំប្រាប់អ៊ីចឹងចំពោះរឿងភាគថតរយៈពេលខ្លីខ្ញុំ ទទួលបានតម្លៃខ្លួនចាប់ពី ៣៥០០ ដុល្លារឡើងទៅ តែប្រសិនបើថតយូរតម្លៃពី ៤០០០ ដុល្លារ ទៅ ៥០០០ ដុល្លារ គិតទៅតាមទីតាំងជិតឬឆ្ងាយ។ ចំណែកឯរឿងខ្នាតធំវិញចាប់ពី ២០០០ ដុល្លារឡើងទៅ"។ នេះបើតាមតួឯកប្រុស ដេតភូមិន្ទ បានលើកឡើងដូច្នេះ។

ប៊ឺរី ទទួលបានតម្លៃខ្លួនខ្ពស់ជាងមុន ក្រោយពីភាពយន្តខ្មែរត្រូវបានចាក់ផ្សាយនៅក្នុងម៉ោងមាស គ្រប់បណ្ដាស្ថានីយទូរទស្សន៍ទាំងអស់ក្នុងស្រុក។ ហេតុដូច្នេះហើយទើបធ្វើឲ្យលោក និងអ្នកសិល្បៈផ្សេងទៀតមានទីផ្សារជាងមុន ហើយតម្លៃខ្លួនក៏ឡើងទៅតាមហ្នឹងដែរ។

ចំណែកឯតម្លៃខ្លួនតួឯកប្រុសក្នុងរឿង" ស្រទន់មន្តស្នេហ៍" រៀបរាប់ខាងលើគឺជាតម្លៃខ្លួនពិតប្រាកដដែលលោកទទួលបានពីផលិតករមិនបានបំប៉ោងតម្លៃអ្វីឡើយ៕