អបអរសាទរកូនប្រុសទាំង២ សាន ស្រីឡៃ មានអ្នកឧបត្ថម្ភឲ្យរៀនចប់ថ្នាក់ទី១២ហើយ

2017-10-20 06:42:36
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចក្រុមហ៊ុនហង្សមាស បានបង្ហោះសារនៅលើទំព័រហ្វេសប៊ុក របស់ខ្លួនថ្លែងអំណរគុណដល់សាលាអន្តរជាតិអាមេរិកកាំងប្រ៊ិជ ដែលបានផ្ដល់អាហារូបករណ៍ដល់កូនប្រុសទាំង២អ្នកនាង សាន ស្រីឡៃ ឲ្យរៀនចប់ដល់ថ្នាក់ទី១២។

ផលិតកម្មខាងលើបានរៀបរាប់ថា៖" ក្រុមហ៊ុនហង្សមាសគ្រុប និងក្រុមគ្រួសារនៃសពអ្នកនាង សាន ស្រីឡៃ សូមគោរពថ្លែងអំណរគុណដល់សាលាអន្តរជាតិអាមេរិកកាំងប្រ៊ិជ ដែលបានផ្ដល់អាហារូបករណ៍ដល់កូនប្រុសទាំង២ របស់សពអ្នកនាង សាន ស្រីឡៃ រហូតរៀនចប់ថ្នាក់ទី១២"។

បន្ទាប់ពីឃើញសាលាអន្តរជាតិខាងលើ ជួយឧបត្ថម្ភដល់កូនប្រុសទាំងពីរ របស់អ្នកនាង សាន ស្រីឡៃ មហាជនជាច្រើនក៏បានចូលរួមអបអរសាទរតាមរយៈ Comment ផងដែរ។

គួរបញ្ជាក់ថាអ្នកនាង សាន ស្រីឡៃ បានស្លាប់បាត់បង់ជីវិតកាលពីថ្ងៃទី ១៦ ខែ តុលា ឆ្នាំ ២០១៧ នៅ ត្រូវបានបុរសជាប្ដីបាញ់សម្លាប់ នៅហាង កែសម្ផស្សមួយកន្លែង នៅជិតស្ថានីយទូរទស្សន៍អប្សរា ស្ថិតបណ្ដោយផ្លូវលេខ៣៦០ ក្នុងសង្កាត់បឹងកេងកង១ ខណ្ឌចំការមន កាលពីម៉ោងប្រហែល៤រសៀលនេះ។ សម្រាប់បុណ្យ ៧ ថ្ងៃវិញនឹងប្រារព្ធធ្វើឡើងនៅ វត្តទូលទំពួង ស្អែកនេះ ត្រូវនឹងថ្ងៃសៅរ៍៕

អត្ថបទ៖ ឆុង ស៊ីណាន