ធានាថាពេញចិត្ត! ប្រូម៉ូសិនពិសេសៗពី Major Cineplex ក្រោយបន្ថែមឈ្មោះពាណិជ្ជកម្មថ្មី

2017-10-21 12:54:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតរោងភាពយន្ត Major Cineplex បានផ្ដល់សិទ្ធិផ្ដាច់មុខឲ្យក្រុមហ៊ុន Smart Axiata ដែលជាក្រុមហ៊ុនបណ្ដាញទូរសព្ទចល័តឈានមុខគេក្នុងព្រះរាជាណាចក្រកម្ពុជា ធ្វើជាដៃគូសហការផ្សព្វផ្សាយម៉ាកពាណិជ្ជកម្មខ្លួននៅតាមរោងភាពយន្ត Major Cineplex ទាំងអស់នៅកម្ពុជារយៈពេល៣ឆ្នាំ។

ការចុះហត្ថលេខា ព្រមព្រៀងបន្ថែមឈ្មោះម៉ាកសញ្ញាទៅជា Major Cineplex by Smart

កិច្ចសហការរវាងភាគីទាំង២ ត្រូវបានប្រកាសជាផ្លូវការកាលពីថ្ងៃសុក្រ ម្សិលមិញនេះ ដោយមានការចុះហត្ថលេខាពីលោក ជី សិលា អគ្គនាយករោងភាពយន្ត Major និង លោក ថូម៉ាស ហ៊ុន នាយកប្រតិបត្តិក្រុមហ៊ុន Smart Axiata។ ភាពជាដៃគូនេះ នឹងគ្របដណ្ដប់លើរោងភាពយន្ត Major ទាំងអស់ ពោលគឺ Major Cineplex ស្ថិតនៅផ្សារទំនើប Aeon Mall ទី១ ផ្សារទំនើបសូរិយា និងផ្សាទំនើប Aeon ទី២ ព្រមទាំងសាខានៅខេត្តសៀមរាប ដែលត្រៀមដំណើរការនាពេលខាងមុខ។

លោក ថូម៉ាស ហ៊ុន នាយកប្រតិបត្តិក្រុមហ៊ុន Smart Axiata

ជាមួយគ្នានេះដែរ លោក ថូម៉ាស ហ៊ុន មានប្រសាសន៍ថា អតិថិនជន Smart ទាំងអស់នឹងរីករាយជាមួយប្រម៉ូសិនពិសេសមួយចំនួនក្រោយកិច្ចសហការនេះដូចជា៖

អតិថិជន Smart VIP អាចទិញសំបុត្រកុន ក្នុងតម្លៃត្រឹមតែ១ដុល្លារប៉ុណ្ណោះ សម្រាប់ប្រភេទ2D និង២ដុល្លារ សម្រាប់ប្រភេទ 3D រៀងរាល់ថ្ងៃ អង្គារ និងពុធ។
អតិថិជន Smart VIP នឹងទទួលបានការបញ្ចុុះតម្លៃ ២០% សម្រាប់សំបុត្រ VIP ក៏ដូចជាសិទ្ធិប្រើប្រាស់បន្ទប់ VIP របស់ Major Cineplex
អតិថិជន Smart StreamOn 8 នឹងទទួលបានសំបុត្រភាពយន្តប្រភេទ 2D ១សន្លឹកក្នុង១ខែ រៀងរាល់ថ្ងៃ ពុធ នៅរោងភាពយន្ត Major ណាមួយក៏បាន។
រាល់អតិថិជន Smart ទាំងអស់ នឹងមានជួរទទួលសំបុត្រអាទិភាព នៅរោងភាពយន្ត Major Cineplex by Smart ទាំងអស់។

លោក ជី សិលា អគ្គនាយករោងភាពយន្ត Major Cineplex by Smart

ក្នុងនោះលោក ជី សិលា អគ្គនាយករោងភាពយន្តឈានមុខគេខាងលើ បានចាត់ទុកកិច្ចសហការនេះជាវេលាដ៏មោទនភាពមួយ ហើយនឹងត្រៀមសហការជាមួយក្រុមហ៊ុន Smart ដើម្បីនាំយកភាពយន្តល្បីៗបំផុតមកជូនប្រជាជនកម្ពុជាបានទស្សនាកាន់តែច្រើន។ លោកលើកឡើងថា៖ " យើងកំពុងស្វែងរកម៉ាកយីហោដែលពោរពេញដោយរីករាយ និងមានថាមពលលើជីវិតយុវវ័យ ហើយយើងជឿជាក់ថា ក្រុមហ៊ុន Smart មានលក្ខណៈគ្រប់គ្រាន់ ដើម្បីសម្រេចជោគជ័យកាន់តែច្រើនថែមទៀត។ តាំងពីបើករោងភាពយន្តដំបូង ចំនួនអតិថិជន មកទទួលបទពិសោធន៍ល្អបំផុតក្នុងការទស្សនាភាពយន្ត ចេះតែបន្តកើនឡើងជាលំដាប់ ហើយយើងជឿថាការប្រកាសភាពជាដៃគូសហការនេះ នឹងធានាថា ទៅថ្ងៃអនាគតនឹងមានអ្នកគាំទ្រភាពយន្តកាន់តែច្រើនថែមទៀត"៕