អុញនោះ! សាលារាជធានី បញ្ជាឲ្យត្រួតពិនិត្យកន្លែង ផ្ញើម៉ូតូ ដែលថាយកថ្លៃ «ហួសហេតុ»

2017-11-03 10:17:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋបាលរាជធានីភ្នំពេញណែនាំឲ្យមន្ត្រីខណ្ឌដូនពេញ ខណ្ឌឫស្សីកែវ ខណ្ឌចំការមន និងខណ្ឌជ្រោយចង្វារ ឲ្យចុះត្រួតពិនិត្យកន្លែងទទួលផ្ញើម៉ូតូដើម្បីអប់រំ និងណែនាំកុំឲ្យយកតម្លៃផ្ញើម៉ូតូ «ហួសហេតុ» បន្ទាប់ពីមានការលើកឡើងថាតម្លៃផ្ញើម៉ូតូមួយគ្រឿងអាចមានរហូតដល់៥ ០០០រៀល។

នៅរសៀលថ្ងៃទី៣ ខែវិច្ឆិកា ឆ្នាំ២០១៧ តាមរយៈទំព័រហ្វេសប៊ុកផ្លូវការរបស់ខ្លួន រដ្ឋបាលរាជធានីភ្នំពេញបានលើកឡើថាខ្លួនបានសង្កេតឃើញថា មានករណីជនមួយចំនួនបានធ្វើអាជីវកម្មទទួលផ្ញើកង់ម៉ូតូ ដោយឆ្លៀតឱកាសយកតម្លៃឈ្នួលផ្ញើថ្លៃហួសហេតុ នាំឱ្យមានការថ្នាំងថ្នាក់ពីសំណាក់ប្រជាពលរដ្ឋដែលបានមកចូលរួមកម្សាន្តក្នុងពិធីបុណ្យអុំទូក។

សាលារាជធានីភ្នំពេញអំពាវនាវឲ្យអ្នកទទួលផ្ញើម៉ូតូ កង់ទាំងនេះបញ្ឈប់ជាបន្ទាន់នូវការយកថ្លៃឈ្នួល «ហួសហេតុ» បែបនេះ។ សាលារាជធានីភ្នំពេញចាត់ទុកទង្វើនេះថាបានធ្វើឲ្យប៉ះពាល់ដល់អារម្មណ៍ និងជីវភាពសាធារណជនដែលមកកម្សាន្តបុណ្យអុំទូក។

(ពលរដ្ឋរិញគន់រឿងតម្លៃផ្ញើម៉ូតូថាថ្លៃ)

សាលារាជធានីបន្តថាៈ «ជាមួយគ្នានេះ គណៈបញ្ជាការឯកភាពរដ្ឋបាលខណ្ឌទាំង១២ ពិសេសខណ្ឌដូនពេញ ចំការមន ឫស្សីកែវ និងខណ្ឌជ្រោយចង្វារ ត្រូវចាត់មន្ត្រីចុះត្រួតពិនិត្យ និងណែនាំដល់ម្ចាស់ទីតាំងទទួលផ្ញើកង់ម៉ូតូទាំងអស់ឱ្យអនុវត្តតាមការអំពាវនេះដោយឈរលើស្មារតីយោគយល់ និងសហការល្អ...អាស្រ័យហេតុនេះ សូមបងប្អូនប្រជាពលរដ្ឋ ក៏ដូចជាអ្នកប្រកបអាជីវកម្មផ្ញើកង់ម៉ូតូទាំងអស់មេត្តាជ្រាប និងចូលរួមសហការអនុវត្ត»៕

ចុចអាន៖