មិនធម្មតា! ថ្ងៃមង្គលការរបស់ Pok និង Margie រៀបចំពិសេសដល់ថ្នាក់នេះ

2017-11-07 04:27:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅមិនយូរប៉ុន្មានទេ ថ្ងៃពិសេសរបស់គូស្នេហ៍តារាថៃ Pok Passornkorn និង Margie Rasri នឹងមកដល់ឆាប់ៗ ហើយអ្នកគាំទ្រពិតជាចង់ដឹងណាស់ ថាតើអ្នកទាំង ២ត្រៀមអ្វីខ្លះទៅ?

បើតាមអ្វីដែល តារាស្រី Margie និង Pok និយាយក្នុងបទសម្ភាសន៍កាលពីពេលថ្មីៗនេះ ឲ្យដឹងថា ធៀបការរបស់ពួកគេ បានបោះពុម្ពរួចរាល់ហើយ។ ជាមួយគ្នានោះ ពួកគេនឹងចាប់ផ្ដើម អញ្ជើញភ្ញៀវមកចូលរួមថ្ងៃពិសេសរបស់ខ្លួន ក្នុងពេលឆាប់ៗនេះហើយ។ ចំពោះ ចំនួនភ្ញៀវកិត្តិយសវិញ គឺរហូតដល់ទៅ ៣០០០នាក់ឯណោះ។

អ្វីដែលកាន់តែពិសេស គូស្នេហ៍ទាំង ២នឹង ត្រៀមរូបថត Pre-Wedding ចំនួន ២ ដោយទី១ បានថតរួចហើយ រីឯទី ២ ពួកគេនឹងរៀបចំថតក្នុងពេលឆាប់ៗដូចគ្នា។ កត្តានេះ បានធ្វើឲ្យមហាជនមានការងឿងឆ្ងល់ខ្លះដែរ ថាហេតុអ្វីបានជាត្រូវថតដល់ទៅ ២ដង ហើយមាន ២ជម្រើសបែបនេះ?

បើតាមវិបសាយ Dara Daily បានឲ្យដឹងថា មូលហេតុគឺ ដោយសារ ជម្រើសទី ១ជាស្ទីលដែល Margie ចូលចិត្ត ស្របពេលដែលជម្រើសទី ២ គឺជាគំនិត និងការពេញចិត្តរបស់ Pok។

អនាគតស្វាមី ភរិយាមួយគូនេះ នឹងដឹកដៃគ្នាចូលរោងការ នៅខែធ្នូខាងមុខ ហើយសម្រាប់មង្គលការរបស់ពួកគេ នឹងគ្រោងរៀបចំយ៉ាងពិសេសបំផុត ដោយមានការចូលរួមពីសិល្បករ-សិល្បការិនីល្បីៗជាច្រើនក្នុងពិភពសិល្បៈ ក៏ដូចជាអ្នកមានមុខ មានមាត់ផ្សេងទៀតក្នុងប្រទេសថៃ៕