Honda Dream ឬអាសង់ ០១៨ នៅមានតម្លៃថ្លៃគិតត្រឹមថ្ងៃនេះ

2017-11-13 02:35:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន N.C.X Company limited បានបញ្ចេញម៉ូឌែល Honda Dream 2018 ដែលគេតែងហៅថា អាសង់ នៅតែរក្សាប្រជាប្រិយភាពនៅលើទីផ្សារហើយក៏មានការពេញនិយមជិះច្រើននៅក្នុងប្រទេសកម្ពុជា Honda Dream ដែលបានប្រកាសចេញស៊េរី ២០១៨ កាលពីថ្ងៃទី ២៧ ខែ តុលា ក្នុងតម្លៃប្រហែល ២២០០ដុល្លារ តម្លៃតាមហាងនានានៅក្នុងទីក្រុងភ្នំពេញ។

គិតមកដល់ពេលនេះ Honda Dream ហាក់មិនសូវមានការប្រែប្រួលតម្លៃប៉ុន្មានទេដោយមានតម្លៃលើសពីពេលចេញដំបូងបន្តិច គឺមានតម្លៃប្រហែល ២២៥០ ដុល្លារ (តម្លៃយកពីតាមហាងនៅម្ដុំគិរីរម្យ)។

បើតាមការបញ្ជាក់ពីម្ចាស់ហាងលក់ម៉ូតូមួយកន្លែងនៅម្ដុំគិរីរម្យបានប្រាប់ Sabay ថាមូលហេតុដែលធ្វើឲ្យតម្លៃម៉ូតូ អាសង់ នេះនៅមានតម្លៃថ្លៃបែបនេះ មកពីតម្រូវការរបស់អ្នកទិញមានច្រើនគួរសម ហើយចំនួននាំចូលមានកំណត់ទើបធ្វើឲ្យតម្លៃមានការហក់ឡើងបន្តិចបែបនេះ។ ម្យ៉ាងទៀតអាចមកពីពុំទាន់ដាច់ឆ្នាំ ២០១៧ ជាហេតុធ្វើឲ្យអ្នកលក់ដំឡើងថ្លៃ អាសង់ ស៊េរីថ្មីនេះដើម្បីងាយស្រួលលក់ចេញស៊េរី ២០១៧។

ចុចអានបន្ត៖

អត្ថបទ៖ ម៉េងងី