រថយន្តក្រុងអគ្គិសនីដឹកសិស្ស នឹងមាននៅអាមេរិកនាឆ្នាំ ២០១៩

2017-11-12 06:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភេទមធ្យោបាយធ្វើដំណើរសព្វថ្ងៃមិនថារថយន្តខ្នាតតូច, រថយន្តដឹកទំនិញ, តាក់ស៊ី ឬយន្តហោះ ក្រុមហ៊ុនធំៗក្នុងលោក កំពុងវិវត្តទៅការប្រើប្រាស់ថាមពលអគ្គិសនីជំនួសដោយប្រេងឥន្ធនៈ។

កន្លងទៅនេះក្រុមហ៊ុន Daimler ដែលត្រូវបានគេស្គាល់ជាក្រុមហ៊ុនមេរបស់ Mercedes-Benz ប្រកាសពីគម្រោងផលិតរថយន្តក្រុងអគ្គិសនីសម្រាប់ដឹកសិស្សនាឆ្នាំ ២០១៩ ក្នុងទឹកដីអាមេរិក។

ជាប្រភេទរថយន្តអគ្គិសនី Saf-T-Liner C2 ដែលមានឈ្មោះហៅក្រៅ Jouley សហការបង្កើតដោយក្រុមហ៊ុនសម្ព័ន្ធរបស់ Daimler គឺ Thomas Built Buses។ មានកន្លែងអង្គុយចំនួន ៨១ កៅអី បំពាក់អាគុយកម្លាំង ៦០គីឡូវ៉ាត់ម៉ោង ផ្ដល់ឲ្យការធ្វើដំណើរការបានចម្ងាយ ១៦០ គីឡូម៉ែត្រ។

Daimler បញ្ជាក់ថាកម្លាំងថាមពលផ្ទុកក្នុងអាគុយអាចនឹងមានការកើនឡើងនាពេលខាងមុខ ថ្វីបើមានក្រុមហ៊ុនមួយចំនួនផ្សេងទៀតកំពុងអភិវឌ្ឍប្រជែងលើរថយន្តក្រុងប្រភេទនេះក្តី ប៉ុន្តែចំពោះក្រុមហ៊ុន Thomas Built Buses ដែលជាអ្នកផ្គត់ផ្គង់អាគុយ ស្ថិតក្រោមការគ្រប់គ្រងរបស់ក្រុមហ៊ុនខ្លួននៃចំណែកភាគហ៊ុនដល់ទៅ ៣៨.៧ ភាគរយឯណោះ៕