មុនប្រកាសលទ្ធផល! មកដឹងត្រួសៗពីម្ចាស់មកុដ Miss Global ទាំង៤ជំនាន់

2017-11-17 10:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីលំដាប់ថ្នាក់ពិភពលោក Miss Global ឆ្នាំ២០១៧ ឈានដល់ការប្រកាសលទ្ធផលហើយនៅយប់នេះ។ ជំនាន់ថ្មី នៃកម្មវិធីដែលមានប្រទេសកម្ពុជាជាម្ចាស់នេះ គឺខួប៥ឆ្នាំ ក៏ជាពេលដែលត្រៀមបំពាក់មកុដជូនបវរកញ្ញាកំពូលសម្រស់១រូបទៀតដែរ។ ដូច្នេះមុនឈានដល់ការប្រកាសលទ្ធផល តោះតាមដានបន្តិចមើល៍ អ្នកណាជាអ្នកគ្រងមកុដកាលពី៤ជំនាន់មុន?

១ Miss Global ឆ្នាំ ២០១៣ Emily Kiss

មានសញ្ជាតិ កាណាដា កញ្ញា Emily Kiss បានក្លាយជាបវរកញ្ញាដំបូងគេដែលគ្រងមកុដ Miss Global កាលពីឆ្នាំ២០១៣ ដែលធ្វើឡើងនៅរដ្ឋ California សហរដ្ឋអាមេរិក។

២ Miss Global ឆ្នាំ ២០១៤ កញ្ញា Ela Mino

នៅឆ្នាំទី២នៃកម្មវិធីខាងលើ ស្រីស្អាតសញ្ជាតិកាណាដា Ela Mino បានគ្រងមកុដជាបវរកញ្ញា Miss Global ដែលប្រព្រឹត្តឡើងនៅទីក្រុង Los Angeles រដ្ឋ California។ នាងធ្លាប់ជាម្ចាស់មកុដកម្មវិធី Miss Calgary ឆ្នាំ២០១២ ថែមទាំងជាអតីតបេក្ខភាពក្នុងកម្មវិធី Miss Universe ទៀតផង។

៣ Miss Global ឆ្នាំ ២០១៥ កញ្ញា Jessica Peart

ស្រីស្អាតសញ្ជាតិ អូស្ត្រាលី Jessica Peart គឺជាម្ចាស់មកុដទី៣ ដែលបានទទួលតំណែងកាលពីថ្ងៃទី ២៤ ខែតុលា ឆ្នាំ២០១៥ នៅប្រទេសហ្វីលីពីន។ នាងជាស្ត្រីឆ្នើមម្នាក់ ដែលមានទឹកចិត្តកក់ក្ដៅ និងស្រលាញ់វិស័យសិល្បៈ។ មិនត្រឹមតែប៉ុណ្ណោះ នាងនិយាយបាន៣ភាសា ដូចជា អាល្លឺម៉ង់ អង់គ្លេស បារាំង។

៤. Miss Global ឆ្នាំ ២០១៦ កញ្ញា Angela Bonilla

Angela Bonilla ជនជាតិ Ecuador គឺជាបវរកញ្ញា Miss Global ជំនាន់ទី៤ ដែលបានទទួលមកុដកាលពីថ្ងៃទី២៤ ខែ វិច្ឆិកា ឆ្នាំ២០១៦ កន្លងទៅ។ ឆ្នាំនេះ Angela Bonilla គឺជាគណៈកម្មការម្នាក់ក្នុងកម្មវិធីប្រកួត ហើយយប់នេះផ្ទាល់ នាងក៏នឹងមានវត្តមានចូលរួមអបអរសាទរ និងបំពាក់មកុដដល់បវរកញ្ញាជំនាន់ថ្មីផងដែរ៕

អត្ថបទ៖ សុខណា