ស្រលាញ់ផង អាណិតផង ក្រោយចប់វគ្គផ្ដាច់ព្រ័ត្រ ម្ចាស់ពាន Miss Global បានធ្វើរឿងរំភើបដល់ក្មេងៗកំព្រា

2017-11-29 10:14:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយក្តីស្រលាញ់ និងអាណិត បន្ទាប់ពីកម្មវិធីវគ្គផ្ដាច់ព្រ័ត្របានបញ្ចប់ទៅ បវរកញ្ញាឯកពិភពលោក Miss Global ប្រចាំឆ្នាំ 2017 បានធ្វើការចែកអំណោយ ជាគ្រឿងឧបភោគ បរិភោគផ្សេងៗ និងថវិកាមួយចំនួនកុមារកំព្រា ដែលគ្មានទីពឹង នៅតំបន់ស្ទឹងមានជ័យ ដែលជាតំបន់មួយសំបូរដោយក្មេងៗគ្មានទីអាស្រ័យជាច្រើននាក់។

នេះមិនមែនជាលើកទីមួយទេ ដែលក្រុមការងាររបស់ បវរកញ្ញាឯកពិភពលោក Miss Global ប្រចាំឆ្នាំ 2017 និងក្រុមតំណាង ចុះធ្វើសកម្មភាពមនុស្សធម៌ទាំងនេះ។ ទាំងអស់នេះវាជារឿងមួយដែលគួរឲ្យស្ងប់ស្ងែងមែនទែន ក្នុងនោះក៏មានការចូលរួមសហការជាមួយសហគ្រាសទឹកពិសាអេរ៉ូទិច ដែលជាទឹកពិសាដ៏មានស្តង់ដារមួយនៅកម្ពុជាផងដែរ។

ការប្រកួតវគ្គផ្តាច់ព្រ័ត្របវរកញ្ញាឯកពិភពលោក ដែលមានបេក្ខជនមកពី ៦០ ប្រទេសដោយក្នុងនោះបវរកញ្ញា ប្រេស៊ីល ទទួលបានពានរង្វាន់បវរកញ្ញាឯកពិភពលោកប្រចាំឆ្នាំ ២០១៧ នាល្ងាច ថ្ងៃទី១៧ វិច្ឆិកានេះ នៅមុខទស្សនិកជនជិត ៣០០០ នាក់រួមទាំងឧបនាយករដ្ឋមន្ត្រីម៉ែនសំអន និងរដ្ឋមន្ត្រីក្រសួងព័ត៌មានខៀវ កញ្ញារិទ្ធិ និងទស្សនិកជនរាប់ពាន់នាក់មើលការផ្សាយបន្តផ្ទាល់តាមទូរទស្សន៍៕