DIGITEKH ឆ្នាំដំបូង មានក្រុមហ៊ុនបច្ចេកវិទ្យាចម្រុះជាង ៤០ ចូលរួម

2017-12-02 09:27:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបច្ចេកវិទ្យាចម្រុះជាង ៤០ ក្រុមហ៊ុន បានយកផលិតផលនិងសេវាកម្មដាក់តាំងបង្ហាញក្នុងព្រឹត្តិការណ៍ពិព័រណ៍បច្ចេកវិទ្យា DIGITEKH (ឌីជីថិក) ដែលរៀបចំឡើងដោយក្រុមហ៊ុន Sabay Digital Plus នៅព្រឹកមិញនេះ។

លោក ជី សិលា អគ្គនាយកក្រុមហ៊ុន Sabay Digital Plus បានឲ្យដឹងថា DIGITEKH ជាឱកាសសម្រាប់អ្នកគាំទ្រ អ្នកប្រើប្រាស់ និងម្ចាស់អាជីវកម្មបានជួបជុំគ្នា ជជែកផ្លាស់ប្ដូរយោបល់ និងស្វែងយល់ពីការអភិវឌ្ឍន៍ថ្មីៗពីបច្ចេកវិទ្យា។

លោក ជី សិលា អគ្គនាយកក្រុមហ៊ុន Sabay Digital Plus

"DIGITEKH អាចថាជាពិព័រណ៍បច្ចេកវិទ្យាដ៏ធំ ព្រោះអី អ្នកលក់ និងក្រុមហ៊ុន ស្ទើរគ្រប់ផ្នែកមកអស់ហើយទាំង គ្រឿងអេឡិចត្រូនិក កុំព្យូទ័រ ទូរសព្ទដៃ កាមេរ៉ា ក្រុមហ៊ុនព័ត៌មានវិទ្យា ក្រុមហ៊ុនផ្ដល់សេវាកម្មអ៊ីនធឺណិត ក្រុមហ៊ុនទូទាត់សាច់ប្រាក់ ធនាគារ ក្រុមហ៊ុនឌីជីថល។ គ្រប់គ្នាមិនចាំចំណាយពេលទៅសួរតាមក្រុមហ៊ុនមួយៗទេ DIGITEKH មានទាំងអស់"។

លោកជី សិលា ក៏បានកត់សម្គាល់ពីការរៀបចំកម្មវិធីបច្ចេកវិទ្យាស្រដៀងគ្នានេះកាលពីប៉ុន្មានឆ្នាំមុន រួចក៏ស្ងាត់ទៅវិញ។

អ្នកផ្ដួចផ្ដើមគំនិតជំរុញឲ្យពិព័រណ៍នេះលេចចេញជារូបរាងឡើង ក៏បញ្ជាក់ពីគោលដៅធំមួយទៀត ការរៀបចំពិព័រណ៌ DIGITEKH គឺដើម្បីត្រួសត្រាយផ្លូវដល់សហគ្រាសក្នុងស្រុកថ្មីៗ អាចយកផលិតផលទៅផ្សព្វផ្សាយ និងស្វែងរកដៃគូសហការសម្រាប់ការអភិវឌ្ឍន៍អាជីវកម្មនាថ្ងៃអនាគត។

លោក សយ សត្យា ប្រធាននាយកដ្ឋាន Card និង E-Banking ធនាគារ FTB ជាដៃគូដ៏ធំរៀបចំកម្មវិធី DIGITEKH បានឲ្យដឹងថា វិស័យបច្ចេកវិទ្យាបានផ្លាស់ប្តូរការរស់នៅ និងមានការរីកចម្រើនយ៉ាងលឿន។

លោក សយ សត្យា ប្រធាននាយកដ្ឋាន Card និង E-Banking ធនាគារ FTB

បច្ចុប្បន្នមនុស្សគ្រប់គ្នាបានប្រើប្រាស់បច្ចេកវិទ្យាមិនថាការរស់នៅ និងក្នុងការប្រកបការងារផ្សេងៗ។ ដោយសារមើលឃើញបែបនេះ ធនាគារ FTB បានបង្កើតកម្មវិធីទូរសព្ទដៃ mBanking ដើម្បីបង្ខិតសេវាកម្មកាន់តែងាយស្រួល លឿនទាន់ចិត្តដល់អតិថិជន។

លោកថា កម្មវិធី mBanking របស់ FTB អតិថិជនអាចប្រើប្រាស់សេវាកម្មនានារបស់ធនាគារ មិនថាសេវាបង់ទឹកភ្លើង ផ្ទេរលុយ ទិញកាតទូរសព្ទ ការទិញទំនិញផ្សេងៗ តាមរយៈទូរសព្ទដៃ។

ជាលើកដំបូងដែល Sabay Digital Plus បានរៀបចំកម្មវិធីនេះឡើង ដែលធ្វើឡើងរយៈពេលពីរថ្ងៃ ពីថ្ងៃទី០២ ដល់០៣ ខែធ្នូ ឆ្នាំ២០១៧ នៅសាលាតិចណូ។

វាជាឱកាសដល់អ្នកចូលចិត្តផ្នែកបច្ចេកវិទ្យាបានស្គាល់ បានជាវផលិតផល និងសេវាកម្មនានាក្នុងតម្លៃពិសេស។ នៅមានច្រើនទៀតលើសពីអ្វី ដែលអ្នកចូលរួមចង់បានពីកម្មវិធី DIGITEKH៕

តាមអ្នករៀបចំកម្មវិធីឲ្យដឹងថា ពិព័ណ៌បច្ចេកវិទ្យាដែលមានរយៈពេលពីរថ្ងៃនេះ រំពឹងនឹងមានអ្នកចូលរួមប្រមាណ ២ ០០០ នាក់ ហើយដែលនៅឆ្នាំក្រោយ ក៏គ្រោងនឹងនាំក្រុមហ៊ុនក្រៅស្រុកមួយចំនួន ដើម្បីនាំផលិតផលនិងសេវាកម្មថ្មីៗសម្រាប់អ្នកទស្សនា៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...

អត្ថបទ៖ ប៊ុនធឿន

ពាក្យទាក់ទង

Digitekh

អត្ថបទពេញនិយម

Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ

ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

ផ្ទុះការរិះគន់អក្សរចិនលើស្លាកហាងគ្មានអក្សរខ្មែរ មន្ត្រីថាបានចុះណែនាំដែរ តែគេមិនស្តាប់

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

រថយន្តអគ្គិសនី Maxus Mifa9 សម្រេចបាននូវសម្ធិទផលលក់ដាច់ជាខ្លាំងលើសរថយន្ត Toyota Alphard នៅហុងកុង និងប្រទេសថៃ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

អូ គូលែន និងអ្នកនាង សុភ័ក្រ កុសុម៉ា បានក្លាយជាដៃគូសហការណ៍ ដើម្បីលើកកម្ពស់ការរស់នៅប្រកបដោយសុខុមាលភាព

ក្រុមតារាចម្រៀង Twice នឹងចូលរួមជាភ្ញៀវកិត្តិយស ក្រុមColdplay សម្រាប់ការប្រគុំតន្ត្រីរយៈពេល 6 ថ្ងែនៅកូរ៉េ

ធនាគារ វីង គាំទ្រកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៨

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ