បើចេះពិនិត្យQR Code លើផ្លាកលេខយានយន្ត នោះមិនបាច់សួរគេថាយានយន្តនោះផលិតនៅឆ្នាំណាទេ
- 2017-12-14 04:18:13
- ចំនួនមតិ 0 | ចំនួនចែករំលែក 0
បើចេះពិនិត្យQR Code លើផ្លាកលេខយានយន្ត នោះមិនបាច់សួរគេថាយានយន្តនោះផលិតនៅឆ្នាំណាទេ
ចន្លោះមិនឃើញ
មួយរយៈចុងក្រោយនេះរាល់យានយន្តដែលទៅធ្វើផ្លាកលេខតែងឃើញមានភ្ញាប់មកជាមួយនូវQR Code ។ តើក្រសួងដាក់ QR Code លើផ្លាកលេខយានយន្តដើម្បីអ្វី? ក្រសួងសាធារណការ និងដឹកជញ្ជូនពន្យល់ថាការដាក់ឲ្យមាន QR Code នេះគឺដើម្បីជៀសវាងការបន្លំផ្លាកលេខ ឬផ្លាកលេខក្លែងក្លាយ។
នៅផ្នែកខាងលើ ចំហៀងខាងស្តាំនៃ ផ្លាកលេខយានយន្តគឺមាន QR Code ដែល QR Code នេះក្រសួងថាចាប់ដាក់លើផ្លាកលេខរថយន្តកាលពីខែកក្កដា ឆ្នាំ២០១៧ ចំណែកទោចក្រយានយន្ត ឬត្រីចក្រក្រយានយន្តវិញចាប់មាន QR Code នេះត្រឹមខែសីហា ឆ្នាំ២០១៧។ ត្រង់ចំណុចនេះក្រសួងបញ្ជាក់ថាម្ចាស់យានយន្តដែលយកយានយន្តរបស់ខ្លួនទៅធ្វើផ្លាកលេខចាប់ពីកាលបរិច្ឆេតនេះឡើងទៅគឺមាន QR Code នេះ។
សម្រាប់ QR Code ក្រសួងអះអាងថានឹងជួយបញ្ជាក់ថាផ្លាកលេខយានយន្តពិតឬក្លែងក្លាយ និងមិនអាចបន្លំបាន។ ទោះយ៉ាងនេះក្តីទិន្ន័យដែលបង្ហាយតាម QR Code មិនបញ្ជាក់អត្តសញ្ញាណរបស់ម្ចាស់យានយន្តនោះទេ។
ដើម្បីដឹងទិន្ន័យតាមរយៈ QR Code នេះអ្នកប្រើប្រាស់ត្រូវមានកម្មវិធី QR Code Scanner នៅក្នុងទូរស័ព្ទដៃ រួចហើយដាក់ថតលើ QR Code នៅលើផ្លាកលេខ នោះទិន្ន័យទាក់ទងនឹងផ្លាកលេខ ប្រភេទយានយន្ត និងឆ្នាំផលិតជាដើមនឹងបង្ហាញនៅលើទូរស័ព្ទ៕
សូមទស្សនាវីដេអូដែលរៀបចំដោយក្រសួងដូចខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
