ម៉ូតូ​ប្រណាំង​​​ស៊ីម៉ាក​របស់​អ៊ីតាលី DUCATI ​តម្លៃ​សុទ្ធ​តែ​ជាង​ម៉ឺន​ដុល្លារ​​ ក្នុង​នោះ​​​​​មាន​​ម៉ូឌែល​ខ្លះ​​​​តម្លៃ​​​ថ្លៃ​ជាង​ឡាន​ទំនើប​ទៅ​ទៀត។ ឯ​​​សម្ភារៈ​​វិញ​ដូចជា​ ស្រោម​ដៃ​ មួក​ការពារ​ជា​ដើម​​ ​​​គឺ​ថ្លៃ​លែង​និយាយ​ ដោយ​ខ្លះ​មាន​តម្លៃ​រហូត​ខ្ទង់​ពាន់​ដុល្លារ។

Ducati ជា​​ក្រុមហ៊ុន​ម៉ូតូ​មួយ​របស់​អ៊ីតាលី​ ល្បី​ឈ្មោះ​ផ្នែក​ម៉ូតូ​ធំ​ទំនើប​និង​មាន​តម្លៃ​ថ្លៃ។ បើ​និយាយ​ពី​សម្ភារៈ​សម្រាប់​អ្នក​ជិះ​ម៉ូតូ​ធំ​ម៉ាក Ducati វិញ​ដូចជា​មួក​ការពារ ស្រោម​ដៃ និង​សំលៀកបំពាក់​ជា​ដើម គឺ​ថ្លៃ​លែង​និយាយ ដោយ​ខ្លះ​មាន​តម្លៃ​រហូត​ខ្ទង់​ពាន់​ដុល្លារ។

នា​ឱកាស​បើក​សម្ពោធ Showroom លើក​ដំបូង​នៅ​ទីក្រុង​ភ្នំពេញ ក្រុមហ៊ុន​ម៉ូតូ​ល្បី​ឈ្មោះ​របស់​អ៊ីតាលី Ducati បាន​បង្ហាញ​ម៉ូតូ​ធំ​ទំនើប​កប់​ស៊េរី​និង​ស៊ីវិល័យ​​ជា​ច្រើន​គ្រឿង​សម្រាប់​អ្នក​និយម​ម៉ូតូ​ធំ​ ដោយ​ក្នុង​មួយ​គ្រឿងៗ​មាន​តម្លៃ​ស្ទើរ​ស្មើ​រថយន្ត​ទំនើប​មួយ​គ្រឿង។