Ducati ម៉ូតូស៊ីម៉ាករបស់អ៊ីតាលី ១គ្រឿងតម្លៃជិតស្មើឡានទំនើបមួយ

2015-12-15 17:16:07
ចំនួនមតិ 0 | ចំនួនចែករំលែក 0

ចន្លោះមិនឃើញ

នាឱកាសបើកសម្ពោធ Showroom លើកដំបូងនៅទីក្រុងភ្នំពេញ ក្រុមហ៊ុនម៉ូតូល្បីឈ្មោះរបស់អ៊ីតាលី Ducati បានបង្ហាញម៉ូតូធំទំនើបកប់ស៊េរីនិងស៊ីវិល័យជាច្រើនគ្រឿងសម្រាប់អ្នកនិយមម៉ូតូធំ ដោយក្នុងមួយគ្រឿងៗមានតម្លៃស្ទើរស្មើរថយន្តទំនើបមួយគ្រឿង។

លោក Datuk Wira នាយកប្រតិបត្តិក្រុមហ៊ុន NAZA World Group of Companies ដែលបាននាំចូលម៉ូតូធំម៉ាក Ducati មកទីផ្សារកម្ពុជាបញ្ជាក់ថា ដោយសារឃើញពីសន្ទុះនៃការនិយមម៉ូតូធំក្នុងស្រុក (កម្ពុជា) មានការកើនឡើងពីមួយឆ្នាំទៅមួយឆ្នាំ ទើបធ្វើឱ្យលោកមិនស្ទាក់ស្ទើរនាំចូលម៉ូតូធំតម្លៃថ្លៃម៉ាក Ducati សម្រាប់ទីផ្សារស្រុកខ្មែរបើទោះបីវាមានតម្លៃថ្លៃបន្តិចក៏ដោយ។

លោកអះអាងថា ការបើកសម្ពោធ Showroom ជាផ្លូវការនៅភ្នំពេញនេះ (ទីតាំងទល់មុខសាលាតិចណូ) នឹងធ្វើឱ្យការប្រើប្រាស់ម៉ូតូធំម៉ាក Ducati កាន់តែទូលំទូលាយ ហើយរាល់អ្នកប្រើប្រាស់ម៉ាកម៉ូតូល្បីរបស់អ៊ីតាលីនេះនឹងទទួលបានសេវាកម្មរហ័សពីក្រុមហ៊ុន។

Ducati ស៊េរីទំនើប៣ម៉ូដែលខាងក្រោមសុទ្ធតែជាម៉ូតូធំពេញនិយម តម្លៃថ្លៃនិងបានដាក់បង្ហាញនៅ Showroom ទើបសម្ពោធថ្មីរបស់ Ducati៖

១. Ducati Diavel Carbon

@ ប្រភេទម៉ាស៊ីន៖ Testastretta 11° L-Twin, 4 Desmodromically actuated valves per cylinder, liquid cooled @ ទំហំម៉ាស៊ីន៖ ១១៩៨សេសេ @ ចង្កឹះលេខ៖ ៦វគ្គ @ ទម្ងន់៖ ២៣៤គីឡូក្រាម @ ចំណុះធុងប្រេង៖ ១៧លីត្រ @ តម្លៃ៖ ៣៥៨៨០ដុល្លារ

២. Ducati Monster 1200S

@ ប្រភេទម៉ាស៊ីន៖ Testastretta 11° L-Twin, 4 Desmodromically actuated valves per cylinder, liquid cooled @ ទំហំម៉ាស៊ីន៖ ១១៩៨សេសេ @ ចង្កឹះលេខ៖ ៦វគ្គ @ ទម្ងន់៖ ២០៩គីឡូក្រាម @ ចំណុះធុងប្រេង៖ ១៧,៥លីត្រ @ តម្លៃ៖ ៣២៣៨៨ដុល្លារ

៣. Ducati 899 Panigale

@ ប្រភេទម៉ាស៊ីន៖ Superquadro: L-twin cylinder, 4 valve per cylinder, Desmodromic, liquid cooled @ ទំហំម៉ាស៊ីន៖ ៨៩៨សេសេ @ ចង្កឹះលេខ៖ ៦វគ្គ @ ទម្ងន់៖ ១៩៣គីឡូក្រាម @ ចំណុះធុងប្រេង៖ ១៧លីត្រ @ តម្លៃ៖ ២៥១៨៨ដុល្លារ