ហុងកុងជាប់លេខ ១ក្នុងចំណោម១០ ជាក្រុងថ្លៃបំផុតលើពិភពលោកសម្រាប់ការរស់នៅក្នុងឆ្នាំ២០១៨
- 2018-01-28 00:30:00
- ចំនួនមតិ 0 | ចំនួនចែករំលែក 0
ហុងកុងជាប់លេខ ១ក្នុងចំណោម១០ ជាក្រុងថ្លៃបំផុតលើពិភពលោកសម្រាប់ការរស់នៅក្នុងឆ្នាំ២០១៨
ចន្លោះមិនឃើញ
សារព័ត៌មាន Business Insider ទើបបានចុះផ្សាយអំពីលំដាប់ទីក្រុងថ្លៃបំផុតលើលោកសម្រាប់ការរស់នៅក្នុងឆ្នាំ២០១៨។ របាយការណ៍នេះបង្ហាញថា ក្នុងចំណោមទីក្រុងទាំងនេះ មានខ្លះការចំណាយលើថ្លៃឈ្នួលផ្ទះ ច្រើនជាងចំណូលជាមធ្យមរបស់ប្រជាជនដល់ទៅ២០ដង។
ខាងក្រោមនេះ គឺជា ទីក្រុង១០ ថ្លៃបំផុតលើពិភពលោកសម្រាប់ការរស់នៅក្នុងឆ្នាំ២០១៨៖
១០ ទីក្រុងTauranga ប្រទេស ណូវែលសេឡង់
លំនៅដ្ឋានក្នុងប្រទេសណូវែលសេឡង់ ប្រជាជនភាគច្រើនគ្មានលទ្ធភាពក្នុងការទិញឡើយ ខណៈដែលទីក្រុង Tauranga តម្លៃផ្ទះជាមធ្យម៨,៩ ដងច្រើនជាងចំណូលមធ្យមរបស់ពលរដ្ឋ។
៩ ទីក្រុង Salinas រដ្ឋកាលីហ្វ័រញ៉ា សហរដ្ឋអាមេរិក
ទីក្រុងដែលមានប្រជាជនតិចជាង ១សែន ៥ម៉ឺន នាក់ ប៉ុន្តែការចំណាយលើការរស់នៅថ្លៃជាងចំណូលជាមធ្យមដល់ទៅ ៩,១ ដង។
៨ ទីក្រុងហូណូលូលូ រដ្ឋហាវ៉ៃ សហរដ្ឋអាមេរិក
ប្រហាក់ប្រហែលទៅនឹងទីក្រុង Salinas រដ្ឋកាលីហ្វ័រញ៉ាដែរ ទីក្រុងហូណូលូលូ នៅរដ្ឋហាវ៉ៃ ការចំណាយច្រើនជាងចំណូលមធ្យមដល់ទៅ ៩,២ ដង។
៧ ទីក្រុង Los Angeles កាលីហ្វ័រញ៉ា សហរដ្ឋអាមេរិក
LA គឺជាទីក្រុងថ្លៃលំដាប់ទី៣នៅអាមេរិក និង ជាប់លេខ៧ខាងថ្លៃលើពិភពលោក។ ចំណាយច្រើនជាងចំណូលមធ្យមដល់ទៅ ៩,៤ ដង។
៦ ទីក្រុងមែលប៊ន ប្រទេសអូស្រ្តាលី
គិតចាប់តាំងពីឆ្នាំ២០០១មក ថ្លៃឈ្នួលផ្ទះនៅទីក្រុងមែលប៊នបានកើនឡើងយ៉ាងខ្លាំង។ ចំណាយច្រើនជាងចំណូលមធ្យមដល់ទៅ ៩,៩ ដង។
៥ ទីក្រុង San Jose រដ្ឋកាលីហ្វញ៉ា សហរដ្ឋអាមេរិក
ទីក្រុង San Jose អាចនិយាយបានថាថ្លៃលំដាប់ទី២នៅអាមេរិក។ ប្រជាជនតិចតួចប៉ុណ្ណោះ ដែលអាចមានលទ្ធភាពផ្គត់ផ្គង់ផ្ទះសំបែង។ ចំណាយច្រើនជាងចំណូលមធ្យមដល់ទៅ ១០,៣ ដង។
៤ ទីក្រុង Santa Cruz រដ្ឋកាលីហ្វញ៉ា សហរដ្ឋអាមេរិក
និយាយជារួម រដ្ឋកាលីហ្វញ៉ា ការរស់នៅត្រូវចំណាយច្រើនបំផុតបើធៀបនឹងរដ្ឋទាំងអស់របស់សហរដ្ឋអាមេរិក និង និយាយដោយឡែក ទីក្រុង Santa Cruz ថ្លៃផុតលេខនៅអាមេរិក ដែលខ្ទង់ចំណាយលើសចំណូលធម្យមដល់ទៅ ១០,៤ ដង។
៣ ទីក្រុង Vancouver ប្រទេសកាណាដា
គិតចាប់តាំងពីឆ្នាំ២០០៤មក តម្លៃផ្ទះនៅទីក្រុង Vancouver កើនឡើងដល់ទៅជិត៣ដង។ និយាយបែបផ្សេង ខ្ទង់ចំណាយលើសចំណូលធម្យមដល់ទៅ ១២,៦ ដង។
២ ទីក្រុង ស៊ីដនី ប្រទេសអូស្ត្រាលី
តម្លៃផ្គត់ផ្គង់ការរស់នៅក្នុងទីក្រុង ស៊ីដនី ប្រទេសអូស្ត្រាលី បានហក់ឡើងយ៉ាងគំហុក ថ្លៃលើសពីមុនដល់ទៅជាង៦ដង ចាប់តាំងពីឆ្នាំ ២០០១មក ពោលគឺ ការចំណាយច្រើនជាងចំណូលមធ្យមដល់ទៅ ១២,៩ ដង។
១ ហុងកុង
ហុងកុងនៅតែជាទីក្រុងថ្លៃបំផុតលើលោក ដោយសារតែជាទីក្រុងពាណិជ្ជកម្មរបស់ពិភពលោក តែតូចចង្អៀត និង មានប្រជាជនរស់នៅដល់ទៅជាង ៧លាននាក់។ ជារួមការចំណាយចំណូលដល់ទៅជិត២០ដងលើសខ្ទង់ចំណូល ឬ ១៩,៤ដង។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
