សេះអាយុ២ឆ្នាំ KK កំពុងល្បីខ្លាំងនៅទីលាន SCT Sport Complex
- 2018-03-13 07:45:31
- ចំនួនមតិ 0 | ចំនួនចែករំលែក 0
សេះអាយុ២ឆ្នាំ KK កំពុងល្បីខ្លាំងនៅទីលាន SCT Sport Complex
ចន្លោះមិនឃើញ
KK ជាសេះអាយុទើប២ឆ្នាំប៉ុណ្ណោះ ប៉ុន្តែអាចចូលរួមប្រកួតប្រណាំងនៅទីលាន SCT Sport Complex បានជាមួយសេះអាយុច្រើនផ្សេងៗទៀត។
វត្តមានសេះឈ្មោះ KK ខាងលើបានធ្វើឱ្យអ្នកគាំទ្រដែលបានទៅទស្សនាផ្ទាល់ចាប់អារម្មណ៍ខ្លាំង ត្បិតអីវានៅក្មេង ប៉ុន្តែមានសមត្ថភាពគួរឱ្យកត់សម្គាល់សម្រាប់ការប្រកួតនៅខែមីនានេះ។ សេះកម្ពស់ ១,៤៧ ម៉ែត្រនេះ ប្រណាំងក្នុងពូល C ដែលមានសេះខ្ពស់ជាងនេះឆ្ងាយ។ យ៉ាងណាមិញ អ្នកគាំទ្ររំពឹងថាវានឹងលូតលាស់លឿន និងមានមាឌខ្ពស់ ធំ ជាងនេះ ដើម្បីមានឱកាសប្រកួតប្រជែងជាមួយសេះបរទេសដទៃទៀត។
ត្បិតអីមិនបានចំណាត់ថ្នាក់ល្អមែន អ្នកជិះសេះ KK ក៏មិនអន់ចិត្ត និងរំពឹងបានចូលរួមប្រកួតទៀតនៅខែក្រោយ ដើម្បីបង្ហាញសមត្ថភាពឱ្យអ្នកគាំទ្រឃើញបន្ដទៀត។ លោក លោក អឿន សុផល អ្នកមើលការខុសត្រូវក្នុងកសិដ្ឋានចិញ្ចឹមសេះរបស់ 7NG ក៏បានមើលឃើញពីសមត្ថភាពសេះក្មេងមួយក្បាលនេះដែរ។ លោកបានបញ្ជាក់ថា វាអាចទៅរួច ក្នុងការដាក់សេះឈ្មោះ KK ឲ្យចូលរួមការប្រកួតនៅពូលA នាពេលអនាគត ព្រោះសេះនេះល្អតាំងពីក្មេង អ៊ីចឹងបើសិនសេះ និងម្ចាស់សេះ KK មានការព្យាយាមហ្វឹកហាត់បន្ថែមទៀត គឺសមត្ថភាពរបស់សេះមួយនេះ នឹងមានការរីកចម្រើនជាងនេះ។
នាខែមីនានេះ លទ្ធផលសេះពូល C ដែលមាន១៨ក្បាលចូលរួម លេខ១បានទៅលើ Man Do Za ឯលេខ ២ បានទៅសេះឈ្មោះ Pal SO និងលេខ ៣ បានទៅសេះឈ្មោះ អាចាន់សម័យ។ ស្របពេលដែល KK វិញ ទទួលបានចំណាត់ថ្នាក់លេខ៤។ នេះជាការប្រកួតខែទី៣ ខណៈដែលខែក្រោយ នឹងមានការប្រកួតធំ អបអរបុណ្យចូលឆ្នាំខ្មែរ អមជាមួយប្រាក់រង្វាន់ដល់ទៅ ២ ៥០០០ដុល្លារឯណោះ នឹងមានសេះចូលរួមពីតាមបណ្ដាប្រទេសផ្សេងៗ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
