ស្ទើរមិនជឿ! មូន ម៉ារ៉ា និពន្ធទំនុកចម្រៀងខ្លួនឯងជាង៩០%

2018-03-22 08:13:18
ចំនួនមតិ 0 | ចំនួនចែករំលែក 0

ចន្លោះមិនឃើញ

បទ "អូនទៅភ្នំពេញ" "កាដូឥតន័យ" សុទ្ធសឹងជាបទចម្រៀងដែលទាក់ទាញដួងចិត្តអ្នកស្ដាប់ឲ្យលង់នឹងអត្ថន័យចម្រៀងនោះ រួមនិងទឹកដមសំនៀងដ៏ក្រអួនរបស់តារាចម្រៀង មូន ម៉ារ៉ា។ អ្វីដែលពិសេស បទចម្រៀងភាគច្រើនគឺជាស្នាដៃនិពន្ធទំនុករបស់លោក។

តារាចម្រៀងដែលមានឈ្មោះបោះសំឡេងខ្លាំងក្នុងវិថីសិល្បៈចម្រៀងអំឡុងឆ្នាំ២០០០ និង ២០០៣ លោក មួន ម៉ារ៉ា បានបង្ហើបប្រាប់ថា បទចម្រៀងលោកច្រៀងកន្លងមក លោកនិពន្ធស្ទើរតែជាង៩០%។ ម្ចាស់បទ «Solida» បញ្ជាក់៖«ការពិតបទចម្រៀងខ្ញុំសឹងតែ ៩៨% ដែលខ្ញុំនិពន្ធទំនុកច្រៀងដោយខ្លួនឯង ។ ចំពោះការសរសេរបទ «អូនទៅភ្នំពេញ» ខ្ញុំគ្រាន់តែចង់ឲ្យមានអ្វីប្លែកសម្រាប់អ្នកស្ដាប់ មិនមែនជាសាច់រឿងរបស់លោកនោះទេ»។

កន្លងមក បើទោះជាមិនមានចេញសកម្មភាពសិល្បៈលើប្រពន្ធ័ផ្សព្វផ្សាយ ប៉ុន្តែលោកប៉ាកូន២រូបនេះក៏មិនទៅណាឆ្ងាយពីសិល្បៈឡើយ គឺធ្វើជាអ្នកផលិតកម្មវិធី និងដឹកនាំថតស្ប៉តពាណិជ្ជកម្មនានាឲ្យផលិតកម្មហង្សមាស។ បទចម្រៀងដែលផ្ទុះការគាំទ្រខ្លាំងរបស់ម្ចាស់ ក្លឹប "ឆេមពានស្នូកឃ័រ" រួមមានបទ" បងជាបន្លាក្នុងទ្រូងអូន" "ឆ្ងល់ដែរ" និង "មិនហ៊ានប្រាប់ត្រង់" ជាដើម៕

អត្ថបទ៖ ច្រឹក ស្រីអូន