អ្នកខ្លះនៅតែយល់ច្រឡំពាក្យ កីឡដ្ឋាន និង កីឡាដ្ឋាន
- 2018-03-26 04:20:36
- ចំនួនមតិ 0 | ចំនួនចែករំលែក 0
អ្នកខ្លះនៅតែយល់ច្រឡំពាក្យ កីឡដ្ឋាន និង កីឡាដ្ឋាន
ចន្លោះមិនឃើញ
ពាក្យ កីឡដ្ឋានជាពាក្យដែលត្រឹមត្រូវតាមវចនានុក្រមខ្មែររបស់សម្តេចព្រះសង្ឃរាជ ជួន ណាត ប៉ុន្តែមនុស្សចំនួនតូចនៅតែយល់ច្រឡំថា ជាពាក្យខុសដែលជារឿយៗត្រូវបានអ្នកខ្លះថតយកមកបង្ហោះលើបណ្តាញសង្គម Facebook ពេលឃើញសរសេរនៅតាមទីលានបាល់ទាត់ដែលធ្វើឲ្យមានការរិះគន់ពីអ្នកដទៃ។
តាមវចនានុក្រុមសម្តេចព្រះសង្ឃរាជជោតញ្ញាណោ ជួន ណាត ភាគទី១ និងទី២ ទំព័រ៤០ បានសរសេរថា «កីឡដ្ឋាន» អានថា កី-ឡាត់-ឋាន។ កីឡដ្ឋានមានន័យថា ទីកន្លែងសម្រាប់លេងកីឡាផ្សេងៗ ។
សម្រាប់ទីកន្លែងដែលអាចលេងកីឡាតែមួយប្រភេទ ឬចំនួនតិច គេហៅថា កីឡដ្ឋាន ដូចជាតាមខេត្តនីមួយៗក្នុងប្រទេសកម្ពុជាមាន «កីឡដ្ឋានខេត្ត»។ ខេត្តខ្លះសរសេរ មណ្ឌលកីឡា។ ចំពោះទីកន្លែងប្រមូលផ្តុំដោយកីឡាជាច្រើនប្រភេទ គេហៅថា ពហុកីឡដ្ឋាន ដូចជា ពហុកីឡដ្ឋានជាតិ នៅកណ្តាលរាជធានីភ្នំពេញ។ បច្ចុប្បន្ននេះ កម្ពុជាកំពុងកសាង«ពហុកីឡដ្ឋានជាតិមរតកតេជោ»ដើម្បីត្រៀមរៀបចំធ្វើម្ចាស់ផ្ទះកីឡាស៊ីហ្គេម ឆ្នាំ២០២៣។
សូមចំណាំថា ពាក្យ កីឡាដ្ឋាន គឺជាពាក្យខុសដែលមិនមាននៅក្នុងវចនានុក្រមឡើយ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
