Niall Horan និង Hailee Steinfeld កំពុងតែទាក់ទងគ្នា?

2018-03-28 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីត្រូវគេសង្ស័យអស់រយៈពេលប៉ុន្មានខែមកនេះ Niall Horan និង Hailee Steinfeld មើលទៅគឺកំពុងតែទាក់ទងគ្នាលើសពីមិត្តភ័ក្ដិពិតប្រាកដមែនហើយ។

ប្រភពមួយបញ្ជាក់ប្រាប់សារព័ត៌មាន E! News ថា៖ "វាគឺការពិតដែល Hailee និង Niall គឺកំពុងតែទាក់ទងគ្នា ប៉ុន្តែអ្វីៗគឺនៅលក្ខណៈធម្មតាៗនៅឡើយ មិនទាន់មានអ្វីលេចធ្លោរនោះទេ។"

ព័ត៌មាននេះលេចឡើងនៅពេល តួរឿង "Pitch Perfect” បានបង្ហោះរូបថតមួយសន្លឹកទៅលើបណ្ដាញសង្គម Twitter បង្ហាញរូបនាងពាក់អាវខនសឺតរបស់ Niall។

រូបដែល Hailee បានបង្ហោះ

ក្រៅពីនេះក៏មានភស្តុតាងជាច្រើន បង្ហាញថាអ្នកទាំងពីរបានទាក់ទងគ្នា ដូចជាកាលពីខែកុម្ភៈជាដើម ពួកគេត្រូវបានគេប្រទះឃើញចំណាយពេលជាមួយគ្នានៅទីក្រុង Las Vegas ដើម្បីចូលរួមកម្មវិធី ប្រគំតន្ត្រីរបស់ក្រុមចម្រៀង Backstreet Boys។

ក្រៅពីនេះ Niall ក៏បានចូលរួមកម្មវិធីខួបកំណើតរបស់ Hailee ព្រមទាំងបង្ហោះសារនៅលើបណ្ដាញសង្គម Twitter ដើម្បីជូនពរតារាស្រីរូបនេះ ធ្វើឲ្យអ្នកគាំទ្រជាច្រើនបង្ហាញអារម្មណ៍រំភើបចិត្តនិងគួរឲ្យស្រលាញ់ចំពោះអ្នកទាំងពីរទៀតផង។

ប្រិយមិត្តយល់យ៉ាងណាដែរចំពោះគូស្នេហ៍មួយគូនេះ?