គ្រាន់តែលក់ទឹកត្នោតជាង១០បំពង់ នៅអង្គររកចំណូលបានចិញ្ចឹមមួយគ្រួសារ

2018-04-16 07:34:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ទឹកត្នោតផ្អែមស្រស់ៗមានលក់ជាកែវ ជាដប បានខាបយកបេះដូងអ្នកទេសចរជាតិ និងអន្តរជាតិមិនតិចនាក់ទេ ដែលទៅកម្សាន្តនៅប្រាសាទអង្គរវត្តនៅក្នុងឱកាសបុណ្យចូលឆ្នាំខ្មែរនេះ។

អ្នកស្រីឌីម៉ា កំពង់លក់ទឹកត្នោតផ្អែម

រៀបរាប់មកកាន់ Sabay អ្នកស្រីឌីម៉ា ជាអ្នកលក់ទឹកត្នោតផ្អែមនៅមុខអង្គរបានប្រាប់ថា ក្នុងមួយថ្ងៃអ្នកស្រីអាចរកចំណូលបានចន្លោះពី៥ម៉ឺន ទៅ១០ម៉ឺនរៀលក្នុងថ្ងៃធម្មតា និងអាចរកបានរហូតដល់ជាង២០ម៉ឺនរៀលនៅថ្ងៃមានពិធីបុណ្យ។ ជាក់ស្ដែងក្នុងឱកាសបុណ្យចូលឆ្នាំខ្មែរ២០១៨នេះតែម្ដង។

អ្នកលក់ទឹកត្នោតផ្អែម ពូកែក្លែមសម្ដី មានស្រុកកំណើតមកពីខេត្តកំពង់ចាម រូបនេះបន្តទៀតថា ចាប់របរនេះរយៈពេល២ឆ្នាំហើយ និងមានបំពង់តែជាង១០ប៉ុណ្ណោះ។ មុខរបរតូចតាចមិនពិបាកពិតមែន តែអ្នកលក់ទឹកត្នោតនេះ ប្រាប់ថា អ្នកស្រី និងស្វាមី អាចរកចំណូលចិញ្ចឹមគ្រួសារយ៉ាងស្រួល។ ក្នុងនោះអាចផ្គត់ផ្គង់ការសិក្សារបស់កូនៗបាន និងការចំណាយចាំបាច់ផ្សេងៗប្រចាំថ្ងៃ។

ចំណែកឯទឹកត្នោតផ្អែមទាំងនោះ គឺយកពីត្នោតក្នុងបរិវេណអង្គរផ្ទាល់ និងមួយចំនួនទៀតប្រមូលទិញពីខាងក្រៅ។ ទឹកត្នោតផ្អែមស្រស់ៗ មិនមានសារធាតុគីមី ញ៉ាំមិនឈឺពោះ បើចង់សាក់កុំភ្លេចទៅទាំងអស់គ្នាណា!!