អស់លទ្ធភាព តារា៤ដួង ប្រកាសលក់ជម្រកគ្មានស្រណោះដើម្បីអ្នកមានគុណ

2018-04-19 09:08:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពកត្តញ្ញូ នៃកូនប្រុសស្រី ដែលជាអ្នកសិល្បៈដ៏ល្បីឈ្មោះបានសម្រេប្រកាសលក់ផ្ទះដើម្បីបានប្រាក់ព្យាបាលអ្នកមានគុណគ្មានស្ដាយស្រណោះ ធ្វើយ៉ាងណាបន្តដង្ហើមព្រះរស់របស់ពួកគេ។ តារាទាំងនោះរួមមានលោក ករុណា ពេជ្រ លោក សង់ សេដ កញ្ញា ស៊ឹម ថៃណា និងលោក ស៊ូ វណ្ណៈ។

១.ករុណា ពេជ្រ ទ្រព្យសម្បត្តិជារបស់ក្រៅខ្លួន ដោយសារតែស្ថានភាពជំងឺលោកឪពុកកាន់តែធ្ងន់ធ្ងរផង ម្សិលមិញនេះតារាចម្រៀងផលិតកម្មថោន លោក ករុណា ពេជ្រ ប្រកាសលក់វីឡាទោលដើម្បីយកថវិកាទៅព្យាបាលអ្នកមានគុណនៅឯក្រៅប្រទេស។ ឪពុកតារាចម្រៀង ករុណា ពេជ្រ ធ្លាក់ខ្លួនឈឺជាច្រើនខែមកហើយ ដោយជំងឺលើសឈាម កន្លងមកលោកបានវះកាត់ និងព្យាបាលនៅស្រុកខ្មែរ តែស្ថានភាពហាក់មិនប្រសើរសោះ។

លោក ករុណា ពេជ្រ និង ឪពុក

២. នាយ សង់ សេត ដោយសារតែលោកឪពុកធ្លាក់ខ្លួនឈឺច្រើនឆ្នាំហើយ ហាក់ដូចមិនធូរស្រាលសោះ បូកថែមប្អូនប្រុសមានជំងឺជាង១០ឆ្នាំមកនេះ គ្រូពេទ្យបង្ហាញតម្រុយថា អាចសង្ឃឹមព្យាបាលជាសះស្បើយ ប៉ុន្តែត្រូវការប្រាក់ប្រមាណ ១៥ ម៉ឺនដុល្លារ ។ ពេលនេះនាយ សង់ សេត បានប្រកាសលក់ផ្ទះរបស់ខ្លួនគ្មានស្តាយ ដើម្បីយកប្រាក់ទៅបង់ថ្លៃព្យាបាល និងរក្សាជីវិតឪពុក។

៣.ស៊ឹម ថៃណា ម្ដាយរបស់កញ្ញា ស៊ឹម ថៃណា ធ្លាក់ខ្លួនឈឺជំងឺទឹកនោមប្រៃជាយូរមកហើយ ដោយតម្រូវឲ្យអ្នកស្រីលាងឈាមជាប្រចាំ និងត្រូវចំណាយប្រាក់ច្រើនដើម្បីថែទាំសុខភាព។ ដូច្នេះទើបម្ដងនេះតារាស្រីខាងលើប្រកាសលក់វីឡារបស់ខ្លួនកាលពីចុងខែមីនា ដើម្បីចំណាយលើការព្យាបាលដ៏សម្បើមនោះ។

កញ្ញា ស៊ឹម ថៃណា និង ម្តាយ

៤.ស៊ូ វណ្ណៈ

អ្នកជួយចាត់ចែងក្រុមសិល្បៈកុមារកំព្រា និងក្រីក្រ តាហ្វុយស្សូ និងជាកូនប្រុសរបស់តារាកំប្លែងជើងចាស់រូបនេះ បានប្រកាសលក់ផ្ទះ និងដីដែលមានទីតាំងនៅសង្កាត់ស្រះចក កាលពីខែឧសភាឆ្នាំ២០១៧ ដើម្បីមើលថែសុខភាពរបស់ឪពុកដែលមានជំងឺ ក្រិន និងមហារីកថ្លើម ត្បិតលោក ចង់ជៀសវាងការសុំជំនួយពីសប្បុរសជន។

អត្ថបទ៖ ច្រឹក ស្រីអូន