ខាំ ភូរិ ប្រើជីវិតការងារចុងក្រោយ ផលិតរឿងបុរាណខ្មែរ មិនខ្វល់ពីទុនចំណាយ

2018-04-20 07:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតករ និងជាអ្នកនិពន្ធដ៏ល្បីឈ្មោះ ខាំ ភូរិ បានតំណត់ថាក្នុងមួយឆ្នាំ ខ្លួន នឹងផលិតរឿងបុរាណខ្មែរចំនួន២ ដើម្បីបង្ហាញពីវប្បធម៌ប្រពៃណីជាតិ ជាមួយពេលវេលាដែលនៅសេសសល់នៃជីវិតការងារចុងក្រោយរបស់លោក។

ការកំណត់ដូច្នេះ បន្ទាប់ពីចាងហ្វាងផលិតកម្ម "អប្សរាមេរា" បានធ្លាក់ក្នុងអន្លង់ស្នេហ៍ វប្បធម៌ប្រពៃណីដ៏ស្រស់ផូរផង់របស់ខ្មែរក្រោយពី ខ្លួន បានធ្វើការពាក់ព័ន្ធជាមួយ វិស័យនេះអស់ជាច្រើនឆ្នាំ ជាពិសេសក្នុងព្រឹត្តិការណ៍អង្គរសង្ក្រាន្ត។

ខាំ ភូរិ បានប្រាប់ sabay ថាខ្លួន មានចិត្តស្រឡាញ់យ៉ាងខ្លាំងទៅលើវប្បធម៌ប្រពៃណីជាតិខ្មែរ កាន់តែស្គាល់កាន់តែស្ងប់ស្ងែង ម្យ៉ាងទៀតនាពេលបច្ចុប្បន្ននេះ លោក សង្កេតឃើញថាការផលិតរឿងជាលក្ខណៈបុរាណ មិនទាន់សម្បូរនោះទេ ។ ដូច្នេះ ខ្លួន បានចិញ្ចឹមចិត្តថាត្រូវតែផលិតរឿងបុរាណឡើង ទោះត្រូវចំណាយថវិកាគុណ នឹង២ ទៅលើការតុបតែងឆាក ឬ សម្លៀកបំពាក់ក៏មិនរុញរាដែរ។

លោក ខាំ ភូរិ

ផលិតកររូបនេះថា ៖«បងធ្វើការងារអង្គរសង្ក្រាន្ត ៥ ទៅ ៦ ឆ្នាំហើយ បានឃើញ និង យល់ច្រើនពីវប្បធម៌ខ្មែរ ប៉ុន្តែពួកយើងអត់មានឱកាសបញ្ចេញវា អ៊ីចឹងហើយធ្វើឲ្យប្រទេសជិតខាង ដែលមានវប្បធម៌ប្រហាក់ប្រហែលគ្នា គេមានឱកាសបញ្ចេញមុន ដល់ពេលយើងបញ្ចេញក្រោយគេថាយើងចម្លងពីគេ តាមពិតជារបស់យើងទាំងអស់សោះ។ ប្រទេសជិតខាងគេឆ្លាតក្នុងការផ្សព្វផ្សាយវប្បធម៌របស់គេ ហើយខ្ញុំសង្ឃឹមថា ការផលិតរឿងបុរាណវាជាចំណែកតូចមួយក្នុងផ្សព្វផ្សាយអំពីមរតកវប្បធម៌ដ៏ស្រស់ផូរផង់របស់ជាតិខ្មែរ»៕