ដើមខែឧសភា រឿងធំ២ ធ្វើឲ្យកក្រើកហ្វេសបុក
- 2018-05-11 03:50:53
- ចំនួនមតិ 0 | ចំនួនចែករំលែក 0
ដើមខែឧសភា រឿងធំ២ ធ្វើឲ្យកក្រើកហ្វេសបុក
ចន្លោះមិនឃើញ
១. រឿងសាំងអ្នកមាន និង អ្នកក្រ
២. វីដេអូស្ត្រីសម្លាប់សត្វព្រៃ
១. រឿងសាំងអ្នកមាន និង អ្នកក្រ
ពាក្យមួយឃ្លាត្រូវបានអ្នកប្រើប្រាស់បណ្ដាញសង្គមហ្វេសបុកយកមកត្រូល ធ្វើឲ្យកក្រើកបណ្ដាញសង្គមយក្ស «សាំងអ្នកមាន និង សាំងអ្នកក្រ»។ ពាក្យនេះត្រូវបានសម្រង់ចេញពីន័យរបស់ រដ្ឋមន្រ្តីក្រសួងពាណិជ្ជកម្ម ឯកឧត្ដម ប៉ាន សូរស័ក្ដិ។
យ៉ាងណាក៏ដោយ ឯកឧត្ដម ប៉ាន សូរស័ក្ដិ បានធ្វើការបកស្រាយជាបន្តបន្ទាប់ថា គ្មានទេសាំងអ្នកមាន និង អ្នកក្រ ឬការបែងចែកវណ្ណៈសង្គម។ ការពិតលោកបានបកស្រាយថា សាំងស៊ុបពែ គឺសំដៅដល់ការនិយមប្រើ សម្រាប់អ្នកមានឡានទំនើប ឬជីវភាពធូរធារ និងភាគច្រើន ជិះឡានមានតម្លៃថ្លៃ ដូច្នេះគេត្រូវការចាក់សាំងស៊ុបពែ ឱ្យត្រូវនឹងស៊េរីឡាន។ ចំណែក សាំងអ្នកក្រ គឺសាំងធម្មតា គឺចង់មានន័យថា សាំងមានតម្លៃថោកជាងសាំងស៊ុបពែ ដែលភាគច្រើនពលរដ្ឋ ដែលមានជីវភាព មិនសូវធូរធារ ហើយភាគច្រើនជិះម៉ូតូ និងឡានធម្មតា និយមសាំងធម្មតាដែរ។
ចុចអាន៖ ក្តៅៗ! រដ្ឋមន្រ្តីចេញមុខបកស្រាយការពិត គ្មានទេពាក្យសាំងអ្នកមាន ឬសាំងអ្នកក្រ
២. វីដេអូស្ត្រីសម្លាប់សត្វព្រៃ កក្រើកហ្វេសបុក
ក្រោយពីអ្នកប្រើប្រាស់ហ្វេសបុកបានរិះគន់ចំពោះវីដេអូស្ត្រីយកសត្វព្រៃមកចម្អិនជាអាហារ។ វីដេអូដែលបានចែកចាយអមដោយពាក្យរិះគន់ជាច្រើន ក៏បានធ្វើឲ្យមន្រ្តីក្រសួងបរិស្ថានប្រតិកម្មឈានដល់ប្រកាសតាមរកក្រុមផលិតវីដេអូ ដោយយកសត្វព្រៃជាច្រើនប្រភេទមកចម្អិនអាហារបង្ហោះលើNatural Life TV និង បណ្ដាញសង្គមហ្វេសបុក។
ចុចអាន៖ ក្ដៅៗ! ស្រ្តីសម្លាប់សត្វព្រៃដឹងខ្លួន ចូលមកទទួលកំហុសឯកឯង
ឯកឧត្ដម អ៊ាង សុផល្លែត អនុរដ្ឋលេខាធិការក្រសួងបរិស្ថាន ថ្លែងប្រាប់ Sabay មុននេះថា ក្រសួងកំពុងចាត់វិធានការតាមរកក្រុមអ្នកផលិតវិដេអូនោះហើយ និងរាយការណ៍ទៅក្រុមហ៊ុនFacebook និងYutube ឲ្យបិទគណនីនោះចោលតែម្ដង។ «បើយោងតាមច្បាប់អភិរក្សថែទាំធនធានធម្មជាតិ យើងនឹងហៅគាត់មកណែនាំសិន និងផាកពិន័យជាសាច់ប្រាក់ ហើយបើគាត់មិនស្ដាប់នោះ អាចនឹងត្រូវដាក់ទោសតាមផ្លូវច្បាប់»។
ក្រោយពីប្រកាសចំណាត់ការរបស់ក្រសួងបរិស្ថាន ស្ត្រីឈ្មោះ ចាន់ ប៉ូលីន និងស្វាមី បានចូលសារភាព និងទទួលកំហុសចំពោះការប្រព្រឹត្តនេះ ហើយបើកសន្និសីទសារព័ត៌មាន ជាមួយសមត្ថកិច្ចពាក់ព័ន្ធនៅក្រសួងបរិស្ថាន កាលពីរសៀលថ្ងៃទី១០ ខែឧសភា ឆ្នាំ២០១៨៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
