រឿងរ៉ាវទាក់ទងនិស្សិតពេទ្យខ្មែរម្នាក់ប្រឡង The Voice វៀតណាមធ្វើឲ្យ Coach ដណ្ដើមគ្នាយក

2018-06-04 07:04:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនខ្មែរម្នាក់ដែលបានដាក់ពាក្យប្រឡងក្នុងកម្មវិធី The Voice Vietnam កំពុងធ្វើឲ្យគ្រប់គ្នាស្ញប់ស្ញែងនឹងសមត្ថភាពច្រៀងពេលបង្ហាញខ្លួនកាលពីពេលថ្មីៗនេះហើយ។

បេក្ខជនជនជាតិខ្មែរម្នាក់ដែលបានចូលប្រឡងក្នុងកម្មវិធី The Voice Vietnam មានឈ្មោះថា ស៊ីម ចាន់ពន្លឺ បានធ្វើឲ្យអ្នកទស្សនាជាច្រើនមានការភ្ញាក់ផ្អើលបំផុត ពេលឃើញលោកឡើងបង្ហាញសមត្ថភាពច្រៀងលើឆាកកម្មវិធីលំដាប់ថ្នាក់ពិភពលោកលើទឹកដីវៀតណាម។

បង្ហាញសមត្ថភាពនាពេលនេះ គឺនៅវគ្គ Blind Audition សប្ដាហ៍ទី៣ នៃកម្មវិធី The Voice រដូវកាលទី ៨ ដែលបានផ្សាយកាលពីថ្ងៃទី ០៣ ខែមិថុនាឆ្នាំ ២០១៨។ អ្វីដែលគ្រប់គ្នាកាន់តែភ្ញាក់ផ្អើលនោះ គឺពេលដឹងថា ពន្លឺជានិស្សិតពេទ្យជនជាតិខ្មែរ ដែលបានទៅរស់នៅ សិក្សានិងធ្វើការក្នុងប្រទេសវៀតណាមអស់រយៈពេលជាង ៥ឆ្នាំមកហើយ។ ដោយសារទឹកចិត្តស្រឡាញ់វិស័យសិល្បៈទើប កូនខ្មែររូបនេះដាក់ពាក្យប្រឡង ព្រោះចង់បណ្ដែតខ្លួនលើវិថីដ៏ត្រចះត្រចង់នេះ។

ភាពក្លាហាន ទឹកដមសំឡេងពីរោះរបស់ពន្លឺ បានអង្រួនបេះដូង Coach ដល់ទៅ ២នាក់ចុចប៊ូតុងទទួលយក ទៅវគ្គបន្ត និងដណ្ដើមគ្នាយកលោកធ្វើជាកូក្រុម។ ទីបញ្ចប់អ្នកដែលមានសំណាងបាន និស្សិតពេទ្យខ្មែរ ជ្រើសធ្វើជាគ្រូបង្វឹកគឺ Thu Phương៕

ប្រភព៖ saostar ប្រែសម្រួល៖ យី សុធារី