សម្ដីម្ដាយ ឡូរ៉ាម៉ម មានអត្ថន័យណាស់សម្រាប់អ្នកមានឈាមជ័រខ្មែរ បានសញ្ជាតិបរទេស(វីដេអូ)

2018-06-27 03:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីតារាចម្រៀង ឡូរ៉ា ម៉ម បានកើត និងធំធាត់ឡើងនៅលើទឹកដីអាមេរិកក្ដី តែចិត្តបេះដូងនាង មិនដែលភ្លេចកម្ពុជាឡើយបន្ទាប់ពីបានលឺពាក្យសម្ដី១ឃ្លាដ៏មានអត្ថន័យពុំអាចកាត់ថ្លៃបាន របស់អ្នកម្ដាយខ្លួន។

និយាយក្នុងកម្មវិធី TEDx Abdul CarimeSt ឡូរ៉ា ម៉ម ឲ្យដឹងថា នាងកើត និងធំធាត់ឡើងនៅលើទឹកដីអាមេរិក ហើយលោកឪពុកអ្នកម្ដាយគឺជាជនភៀសខ្លួន ដែលបានឆ្លងកាត់សម័យសង្គ្រាមដ៏គួរឲ្យភ័យខ្លាចបំផុត។ បន្ទាប់មកឪពុកម្ដាយរបស់នាង បានទៅដល់អាមេរិក រស់នៅយ៉ាងសប្បាយចិត្ត តស៊ូគ្រប់យ៉ាងដើម្បីនាង និងប្អូនប្រុស។

បន្ថែមពីនេះ ឡូរ៉ា ម៉ម ថាត្បិតខ្លួនមានឪពុកម្ដាយជាជនជាតិខ្មែរ ប៉ុន្តែអ្នកមានគុណទាំងពីរមិនដែលបង្រៀនខ្មែរដល់នាង ឡើយ។ ដូច្នេះហើយទើបធ្វើឲ្យនិយាយភាសាខ្មែរមិនច្បាស់ទៅជាប៉ៃឡាំ។ ចំពោះមូលហេតុអ្នកម្ដាយមិនបានបង្រៀនភាសាជាតិសាសន៍ដល់ខ្លួន ព្រោះខ្លាចកូន និយាយភាសាអង់គ្លេសមិនច្បាស់មានសម្លេងបែបសាសន៍ផ្សេងទៅវិញ។

ឡូរ៉ា ម៉ម និងម្ដាយ

“គាត់ចង់ឲ្យខ្ញុំក្លាយជាកូនអាមេរិក មិនចង់ឲ្យគេមើលមកខ្ញុំមិនមែនជាជនជាតិអាមេរិកឡើយ អ៊ីចឹងហើយទើបគាត់មិនបង្រៀនខ្មែរដល់ខ្ញុំ។ ប៉ុន្តែថ្ងៃមួយគាត់អង្គុយជាមួយខ្ញុំ និងបានប្រាប់ខ្ញុំថា ឡូរ៉ា កូនគឺជាជនជាតិអាមេរិក ប៉ុន្តែកូនកុំភ្លេច ឈាមជ័ររបស់កូនគឺជាខ្មែរ"។ ម្ចាស់បទ "រាំមិនឆ្អែតទេ" បញ្ជាក់។