One Direction ពន្យារពេលជុំគ្នាឡើងវិញ ដោយសារការមមាញឹករបស់ Liam Payne

2018-06-29 07:47:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការវិលត្រឡប់នៃក្រុមចម្រៀង One Direction អាចនឹងមិនទាន់កើតមានឡើងបានយ៉ាងហោចណាស់ចំនួន២ឆ្នាំ។

តារាចម្រៀង Liam Payne បានធ្វើឲ្យអ្នកគាំទ្រក្រុម One Direction មានការខកចិត្តចំពោះការវិលត្រឡប់មកបម្រើអារម្មណ៍អ្នកគាំទ្ររបស់ខ្លួនវិញ ខណៈតារាចម្រៀងរូបនេះបានប្រកាសថាលោកមានគម្រោងចូលធ្វើការក្នុងកម្មវិធីទូរទស្សន៍ទៅវិញ។

បើតាមតារាចម្រៀងដ៏ស្រស់សង្ហារូបនេះ បានបញ្ជាក់ថា៖ "អាល់ប៊ុមបទចម្រៀងរបស់ខ្ញុំនឹងចេញជាផ្លូវការនៅចុងឆ្នាំនេះហើយ បន្ទាប់មកខ្ញុំនឹងធ្វើការប្រគំតន្ត្រីទេសចរក្នុងឆ្នាំ២០១៩ខាងមុខ។ ខ្ញុំចូលចិត្តធ្វើការតាមកញ្ចក់ទូរទស្សន៍ ហើយខ្ញុំក៏ចូលចិត្តធ្វើការជាមួយចម្រៀងផងដែរ ខ្ញុំចូលចិត្តទាំង២។ វាអស្ចារ្យដែលពួកយើងបានធ្វើអ្វីដែលពួកយើងពេញចិត្ត ហើយសង្ឃឹមថាថ្ងៃណាមួយក្នុងពេលឆាប់ៗខាងមុខ ពួកយើងនឹងត្រឡប់រកគ្នាវិញ ហើយធ្វើបទចម្រៀងដ៏ល្អជាមួយគ្នា"។

តែទោះជាយ៉ាងណាក៏ដោយ រឿងរ៉ាវនៅមិនទាន់ច្បាស់នៅឡើយទេថា ការជួបជុំនៅថ្ងៃមុខនោះ អាចនឹងមានវត្តមានតារាចម្រៀង Zayn Malik ដែរឬយ៉ាងណានោះទេ ខណៈលោកបានសម្រេចចិត្តចាកចេញពីក្រុមចម្រៀងមួយនេះកាលពីឆ្នាំ ២០១៥ នោះ៕

ប្រភព៖ Mirror ប្រែសម្រួល៖ អន សុភក្ត្រា