ពិតជាច្នៃប្រឌិតខ្ពស់មែន! ប្រើរោមមាន់ដើម្បីច្នៃម៉ូតថូផ្កា លទ្ធផលចេញមកស្អាតមិនគួរឲ្យជឿ

2018-07-26 11:41:38
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Vicente Garcia បានប្រកបអាជីពសូន និងដុតដីឥដ្ឋដើម្បីធ្វើជាថូផ្កា ជាង ៣៨ឆ្នាំហើយ។ នៅឆ្នាំ ១៩៨៤ លោកបានរៀនចេះដឹងអំពីការប្រើប្រាស់រោមបក្សី និងសក់ដើម្បីច្នៃម៉ូតថូផ្កា ឲ្យមានសោភណភាពកាន់តែស្អាតនិងប្រកបដោយភាពច្នៃប្រឌិត។ អត្ថបទនឹងបង្ហាញរបៀបលោកច្នៃម៉ូតថូផ្កា ដោយប្រើប្រាស់រោមបក្សី និងសក់។

ដំបូងឡើយ ដូចអ្នកជំនាញខាងធ្វើថូផ្កាទូទៅ លោក Garcia បានសូនដីឥដ្ឋដើម្បីធ្វើវាឲ្យក្លាយជាថូផ្កា បន្ទាប់មកយកទៅដុត។ នៅពេលដុតចេញជាថូផ្កាហើយ លោកក៏យកថូនោះទៅដាក់ពីលើចង្ក្រានមួយ ហើយក៏យកដង្កៀបទៅចាប់រោមបក្សី និងសក់ដាក់ពីលើថូនោះតែម្ដង។ នៅពេលដាក់រោមបក្សី និងសក់លើថូដែលកំពុងមានសីតុណ្ហភាពក្ដៅនោះ រោមនិងសក់ទាំងនោះត្រូវបានគេមើលឃើញថារមូលខ្មួលខ្មាញ់ជ្រាបចូលក្លាយជាសាច់ថូផ្កាតែម្ដង។ បន្ទាប់មក លោក Garcia ក៏បានបាញ់ថ្នាំបន្តិចបន្តួច ធ្វើការសម្អាតលើថូទាំងនោះ ដើម្បីធ្វើឲ្យសម្រស់ថូកាន់តែស្អាត។

សូមទស្សនាវីដេអូខាងក្រោមដែលបញ្ជាក់លម្អិតអំពីរបៀបច្នៃម៉ូតថូផ្កាដោយប្រើប្រាស់រោមបក្សី និងសក់។ ក្នុងវីដេអូ លោក Garcia ក៏បានបង្ហាញយ៉ាងខ្លីផងដែរ របៀបធ្វើឲ្យថូមានពណ៌ដោយប្រើប្រាស់ក្រដាសកាសែត៕

ប្រភព៖ facebook អត្ថបទ៖ សេរី មង្គល