តារាសាច់សខ្ចី អែន ឌី មិនទាន់កែសម្ផស្ស មកពីមូលហេតុអីចឹងសោះ!

2018-07-28 07:09:04
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសាច់សដូចបណ្ដូលចេក លោក អែន ឌី ប្រាប់ថា លោកមិនទាន់ចាប់អារម្មណ៍លើរឿងកែសម្ផស្សនៅឡើយទេក្នុងវ័យនេះ ព្រោះលោកកំពុងពេញចិត្តសម្រស់លើផ្ទៃមុខក្នុងពេលបច្ចុប្បន្ន គឺអាចទទួលយកបានហើយ។ តែបើពេលចូលវ័យជ្រេជាងនេះបន្តិច ហើយឃើញថាមានចំណុចខ្វះខាត មិនត្រូវចិត្ត នោះលោកនឹងកែសម្ផស្ស។

ម្ចាស់បទ "នឹកបង ៥០%” បន្តថា នៅបណ្ដាលប្រទេសផ្សេងៗ ការកែសម្ផស្សជារឿងពេញនិយមបំផុត មិនថានារី និងបុរសនោះទេ គឺសុទ្ធតែចង់ស្អាតដូចគ្នា។ សម្រាប់លោកវិញ ក៏ដូចគ្នា ប៉ុន្តែស្ថិតក្នុងវ័យ ៣៨ ឆ្នាំនេះ លោក អែន ឌី យល់ថា មិនទាន់ជាវ័យត្រូវទៅកែសម្ផស្សនោះទេ ព្រោះពេលនេះ លោកនៅពេញចិត្តលើមុខមាត់និងសម្រស់របស់លោក។ បើចូលវ័យជ្រេ មានស្បែកយារធ្លាក់ ឬ ភ្នែកជ្រួញជាដើម លោកទំនងអាចចាប់អារម្មណ៍លើការកែសម្ផស្ស។

" ពេលនេះ ខ្ញុំឃើញថាមិនមានចំណុចណាដែលខ្វះខាតនោះទេ គឺនៅអាចទទួលយកបាន។ ប៉ុន្តែបើថ្ងៃណាមួយ ឬអាយុខ្ញុំកាន់តែច្រើន មានចំណុចណាមិនអាចទទួលយកបាន ខ្ញុំនឹងកែសម្ផស្ស" ។ នេះបើតាម អតីតក្រុម 4 Strong បញ្ជាក់។

តារាប្រុសរូបនេះ បន្ថែមថា លោកគ្រាន់ចាក់វីតាមីនលើផ្ទៃមុខសិនប៉ុណ្ណោះ ដោយសារអាយុរបស់លោកកាន់តែច្រើន។ ម្យ៉ាងទៀត លោកត្រូវថតជារៀងរាល់ថ្ងៃ ផ្ទៃមុខប្រឈមនឹងកម្ដៅថ្ងៃផង មុខស្ងួតផង ដូច្នេះត្រូវបំពេញបន្ថែមផ្នែកវីតាមីន ដើម្បីឲ្យក្មេងស្អាត ភ្លឺរលោង។

តារាប្រុសចូលចិត្តថតរូបបែបសិចស៊ី និយាយថា ការកែសម្ផស្សមិនមែនជារឿងអាក្រក់នោះទេ ព្រោះពេលបុរសនិងស្រ្តីមានសម្រស់ស្រស់ស្អាត ពេលទៅនិយាយ ឬ ទំនាក់ទំនងការងារជាមួយអ្នកណា នឹងមានភាពជឿជាក់មួយកម្រិតផងដែរ៕

អត្ថបទ៖ លឹម សុនា