ជីវិតស្នេហាមិនសូវសមប្រកបសោះ Harry Styles ចែកផ្លូវពីសង្សារ ក្រោយទាក់ទងគ្នាបាន ១ឆ្នាំ

2018-08-01 02:31:52
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រតារាចម្រៀង Harry Styles អាចនឹងមានសង្ឃឹមឡើងវិញ ក្រោយព័ត៌មានបង្ហាញថាលោកបានចែកផ្លូវគ្នាជាមួយតារាម៉ូដែល Camille Rowe។

ក្រោយទាក់ទងគ្នាបានរយៈពេលត្រឹមតែ ១ឆ្នាំ គូស្នេហ៍មួយគូនេះ បានសម្រេចចិត្តចែកផ្លូវគ្នាដើររៀងខ្លួន។ នេះអាចបញ្ជាក់ប្រាប់អ្នកគាំទ្រយ៉ាងច្បាស់ថា តារាចម្រៀងវ័យ ២៤ឆ្នាំរូបនេះ បានត្រឡប់មករកជីវិតខ្លួនមួយរបស់លោកសាជាថ្មី។

បើតាមសារព័ត៌មានបានឲ្យដឹងថា តារាចម្រៀងស្រស់សង្ហារូបនេះ បានបញ្ចប់ទំនាក់ទំនងស្នេហា ត្រឹមរយៈពេល ២សប្ដាហ៍ប៉ុណ្ណោះ ក្រោយបញ្ចប់ការប្រគំតន្ត្រីទេសចរណ៍លើកទី ៨៩ របស់លោកនៅដើមខែមុននេះ។ ចំពោះមូលហេតុពិតប្រាកដពីការចែកផ្លូវគ្នានេះ នៅមិនទាន់បញ្ជាក់នៅឡើយទេ ប៉ុន្តែបើតាមប្រភពជិតស្និទ្ធបានប្រាប់ថា វាអាចពាក់ព័ន្ធនឹងកាលវិភាគដ៏មមាញឹករបស់ពួកគេដែលមិនអាចមានពេលវេលាគ្រប់គ្រាន់សម្រាប់ចំណាយជាមួយគ្នា៕

ប្រភព៖ Mirror ប្រែសម្រួល៖ អន សុភក្ត្រា