Black Women សេះអាមេរិក យកលេខ១ពូលA នៅប្រណាំងសេះ Smart Land and Home

2018-08-14 07:16:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍កីឡាប្រណាំងសេះពូល A ដណ្តើមពានរង្វាន់ Smart Land and Home Champions រដូវកាលទី៣ ឆ្នាំ២០១៨ ប្រចាំខែសីហា បានរកឃើញម្ចាស់ជើងឯកហើយគឺសេះឈ្មោះ Black Women ។

Black Women ជាសេះនាំចូលពីអាមេរិក ហើយបានចូលប្រកួតពានរង្ចាន់ខាងលើនេះម្ដងមកហើយ កាលពីខែកក្កដាកន្លងទៅ ដោយបានចំណាត់ថ្នាក់មិនល្អនោះទេ។ យ៉ាងណាមិញ សម្រាប់ខែសីហានេះវិញ វាពិតជារត់បានល្អមែនទែន ដោយអាចយកឈ្នះសេះដទៃក្នុងពូល A ជាមួយគ្នាដាច់តែម្ដង។ លោក អឿន សុផល គណៈកម្មការបច្ចេកទេសការប្រណាំងសេះ និងជាម្ចាស់សេះ Black Woman នេះបានបញ្ជាក់ថា មានគេចាប់អារម្មណ៍ច្រើនចំពោះវត្តមានរបស់សេះមួយក្បាលនេះ ក្រោយពីចូលប្រកួតហើយ ឈ្នះសេះដទៃដាច់បែបនេះ។

លោក សុផល រំពឹងថានៅខែបន្ទាប់ៗទៀត វានឹងកាន់តែធ្វើបានល្អថែមទៀត ដើម្បីត្រៀមខ្លួនឱ្យរួចរាល់សម្រាប់ការប្រកួតនៅចុងឆ្នាំនេះ។ Black Woman ជាសេះដែលលោក សុផល មានក្ដីរំពឹងខ្ពស់ ព្រោះវាមានល្បឿនរត់លឿន ហើយមិនងាយហត់នោះទេ ក្រោយពីបានឃើញការប្រណាំង២ខែមកនេះ។ ដោយឡែកសម្រាប់លេខ២ ក្នុងពូល A វិញ បានទៅលើសេះឈ្មោះ World Wave និងលេខ៣បានទៅលើសេះឈ្មោះ Belly ។

សម្រាប់ពូល C វិញ សេះឈ្មោះ KK ទទួលបានចំណាត់ថ្នាក់លេខ១ សេះឈ្មោះ អាឆ្លាម ទទួលបានលេខ២ និងសេះឈ្មោះ Navara ដែលទទួលបានចំណាត់ថ្នាក់លេខ១ខែមុន បានធ្លាក់ដល់ចំណាត់ថ្នាក់លេខ៣។ ចំពោះពូល D សេះឈ្មោះប្រុសប៉ាវ លេខ១ សេះឈ្មោះ អារ៉េ បានលេខ២ និងសេះឈ្មោះ អាចេត ទទួលបានលេខ៣៕

អត្ថបទ៖ មុន្នីរម្យ