សរុបទាំងលុយសម្ដេច តេជោ សាលី អ៊ូម៉ើត ទទួលបានជិត៤ម៉ឺនដុល្លារ

2018-09-04 01:44:43
ចំនួនមតិ 0 | ចំនួនចែករំលែក 0

ចន្លោះមិនឃើញ

វីរកីឡាករកម្ពុជាទើបលេចមុខឆ្នាំ២០១៨ថ្មីៗ សាលី អ៊ូម៉ើត បន្ទាប់ពីឈ្នះបានមេដាយ២គ្រឿងកាលប៉ុន្មានថ្ងៃមុន ក្នុងកម្មវិធីកីឡាទ្វីបអាស៊ីលើកទី១៨ នៅប្រទេសឥណ្ឌូណេស៊ី បានវិលដល់ប្រទេសកំណើតវិញហើយ ថែមទាំងទទួលបានប្រាក់សរុបជិត ៤ម៉ឺន ដុល្លារ ពីក្រសួង និងថវិកាផ្ទាល់របស់សម្ដេច តេជោ។

សាលី អ៊ូម៉ើត ជួបសម្ដេចម្សិលមិញ

ដូចទៅនិងអ្វីដែលបានគ្រោងទុកនោះ ក្រសួងអប់រំ យុវជន និងកីឡា បានត្រៀមរួចរាល់ទាំងពិធីទទួល ក្រៅពីនេះមានម៉ូតូធំសម្រាប់ស្វាគមន៍ និងដង្ហែម្ចាស់មេដាយទ្វីបអាស៊ីទាំងពីរនាក់មកដល់កម្ពុជានាល្ងាចម្សិលមិញនេះនៅឯប្រលានយន្តហោះអន្តរជាតិភ្នំពេញ។

តាមការលើកឡើងរបស់សម្ដេច តេជោ នាល្ងាចម្សិលមិញនៅឯវិមានទីស្ដីការគណៈរដ្ឋមន្ត្រី ថា សម្រាប់កីឡាករ សាលី អ៊ូម៉ើត ដែលឈ្នះមេដាយមាស១គ្រឿង និងសំរឹទ្ធ១គ្រឿង ទទួលបានប្រាក់ពីក្រសួងអប់រំ យុវជន និងកីឡាចំនួន ១០៤លានរៀល(២៦០០០ដុល្លារ)។ ចំណែកថវិកាផ្ទាល់របស់សម្ដេចផ្ដល់ជូនបន្ថែម ១៣០០០ដុល្លារ។ ដូច្នេះសរុបទាំងអស់កីឡាករឆ្នើមខាងលើទទួលបានសរុប ៣៨០០០ដុល្លារ។

រំលឹកដែរថា កម្ពុជាបញ្ជូនកីឡាករ កីឡាការិនីលើ១៣ប្រភេទកីឡា និងសរុបអត្តពលិកជាង៤០នាក់ចូលរួមប្រកួតកីឡាទ្វីបអាស៊ីលើកទី១៨ នៅឯប្រទេសឥណ្ឌូណេស៊ី ដែលចាប់ផ្ដើមពីថ្ងៃទី១៨ ខែសីហា ដល់ ២ កញ្ញា ២០១៨។ ដោយឡែកកម្ពុជាឈ្នះបានមេដាយ៣គ្រឿង គឺមាស២ និងសំរឹទ្ធ១ ពីព្រឹត្តិការណ៍ខាងលើ៕

អត្ថបទ៖ នួន ស៊ីណា