ដឹងប្រវត្តិ Kaka អាចស្លុតចិត្ត ប្រឹងខ្លាំងយ៉ាងហ្នឹង ទើបជោគជ័យដល់សព្វថ្ងៃ

2018-09-14 01:31:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កាកា ជាអ្នកប្រដាល់មានប្រជាប្រិយមិត្តភាពមួយរូបនៅប្រទេសកម្ពុជា នាពេលបច្ចុប្បន្ននេះ។ កីឡាករមានដើមកំណើតនៅ ក្នុងភូមិអូរប្រាសាទ ឃុំអូរស្រាបាទ ស្រុកមង្គលបុរី ខេត្តបន្ទាយមានជ័យ។ គេកើតក្នុងគ្រួសារក្រីក្រម្នាក់ មានឪពុកឈ្មោះ សុខ ញ៉ិល និងម្ដាយឈ្មោះ ពឹង រុំ ជាអ្នករកស៊ីធ្វើការសំណង់នៅប្រទេសថៃ។

កីឡាករវ័យ១៩ឆ្នាំរូបនេះ ចូលរៀនបានត្រឹមថ្នាក់ទី៤ប៉ុណ្ណោះ ក៏សម្រេចចិត្តចូលប្រដាល់តែម្ដង ដោយគ្រាដំបូងវាយតាមវត្តប៉ុណ្ណោះ។ កាលពីគ្រាវាយដំបូងជិត១០ប្រកួត រូបគេមិនដែលទទួលបានជ័យជម្នះនោះទេ ប៉ុន្តែដោយសារតែវាយចាញ់រហូតនេះហើយទើបធ្វើឱ្យចង់ប្រឡូកក្នុងវិស័យមួយនេះកាន់តែខ្លាំង។ ដោយសារតែចិត្តស្រលាញ់ប្រដាល់ខ្លាំង កាកា បានសុំឪពុកទៅហាត់រៀនប្រដាល់ថែមទៀត នៅឯប្រទេសថៃ។ ដំបូងឡើយ មិនមាននរណាម្នាក់យកគេឡើយ ព្រោះនៅក្មេង មាឌតូច មិនសមជាកីឡាករ។ រហូតទាល់តែឪពុកទៅសុំអង្វរគេខ្លាំង ហើយថែមទាំងស្គាល់គេតិចៗផងនោះ ទើបមានក្លឹបមួយនៅថៃ ព្រមឱ្យចូលហ្វឹកហាត់។

នៅប្រទេសថៃនោះ កាកា បានបញ្ជាក់ថាខ្លួនពិតជាធ្វើការហ្វឹកហាត់ខ្លាំងមែនទែន មុនមានសមត្ថភាពខ្លាំងដូចបច្ចុប្បន្ននេះ។ ចង់យំផង នឹកផ្ទះ ត្រូវរំពាត់ផង កាកា សឹងតែទ្រាំមិនបានទៅហើយ។

អស់ពីរឿងហ្វឹកហាត់ធ្ងន់នេះទៅ កាកា ក៏បាននិយាយពីតម្លៃខ្លួនចាប់តាំងពីចូលប្រឡូកដំបូង រហូតដល់គេស្គាល់ពេញប្រទេសថៃផងដែរ។ កាកា សង្វៀនភ្នាល់ច្រើនបំផុតរបស់គេនោះ គឺមានដល់៥សែនបាត ស្មើនឹងជាង១ម៉ឺនដុល្លារឯណោះ ដោយកាលនោះរូបគេថាត្រូវឈ្នះទៅហើយ ប៉ុន្តែចុងក្រោយខាងថៃគេឱ្យស្មើទៅវិញ។

ការឡើងសង្វៀននៅប្រទេសថៃ កាកា ពិតជាអាចរកប្រាក់បានច្រើនមែន សម្រាប់គ្រួសាររបស់គេ។ ចង់ដឹងថា ការវាយបានប្រាក់ច្រើននេះ ឪពុករបស់គេ មានអារម្មណ៍យ៉ាងណានោះ សូមទស្សនាវីដេអូខាងក្រោមនេះ ដើម្បីដឹងរឿងលម្អិតទាំងអស់គ្នា៖

អត្ថបទ៖ មុន្នីរម្យ